13 oC 
Güneşli
حەماس ناڕەزایەتی دەربڕی لە بەرامبەر هێرشی داگیرکەران بۆ سەر گوندێکی شاری نابلوس و هێرشەکەی وەک "هێرشێکی تیرۆری" وەسف کرد.
بزووتنەوەی خۆڕاگری ئیسلامی فەلەستین "حەماس" سەبارەت بە هێرشی داگیرکەران بۆ سەر گوندی لوبانی ڕۆژهەڵات لە باشووری نابلوس ڕاگەیەندراوێکی بڵاو کردەوە کە لە ئەنجامی هێرشەکەدا زیاتر لە ١٠٠ ئۆتۆمبێل سووتێنران و دەیان دارەزەیتوون بڕان.
حەماس جەختی لەوە کرد کە ئەم جۆرە هێرشانە ناتوانن ئیرادەی گەلی فەلەستین تێکبشکێنن و هێرشەکەی وەک هەوڵێکی تیرۆری بێهوودە بۆ کۆچی زۆرەملێ و لکاندنی کەناری ڕۆژئاوا وەسف کرد.
حەماس ئاماژەی بەوە کرد کە هێرشەکان لە ژێر پاراستنی ڕاستەوخۆی سوپای داگیرکەر ئەنجام دەدرێن و رژێمی داگیرکەر بە گشتی بەرپرسیارە لە ئەنجامەکانی.
حەماس لە بەردەوامی ڕاگەیەندراوەکە جەختی لەوە کرد کە خەڵکی فەلەستین لە بەرامبەر ئەم جۆرە هێرشانە بێ دەنگ نابن.
هەروەها حەماس پشتیوانی خۆی بۆ خەڵکی گوندی لوبانی ڕۆژهەڵات ڕاگەیاند کە لە دژی هێرشەکە دەستیان بە خۆڕاگری و بەرگری کردووە و بە شانازی باس لە هاودەنگی و یەکڕیزی نێوان خەڵکی گوندەکە کرد.
حەماس لە کۆتایی بەیاننامەکەدا بانگێشتی کۆمەڵگەی نێودەوڵەتی و ڕێکخراوەکانی مافی مرۆڤ کرد، "ئێمە داوا دەکەین کۆمەڵگەی نێودەوڵەتی و نەتەوە یەکگرتووەکان و ڕێکخراوەکانی مافی مرۆڤ بەرپرسیارێتی یاسایی و ئەخلاقی خۆیان لە ئەستۆ بگرن و هەنگاوی جددی و کاریگەر بنێن بۆ وەستاندنی تیرۆری 'جوولەکە شارۆچکەنشینەکان' کە لە هەڵکشاندایە و لێپرسینەوە لە سەرکردە داگیرکەرەکان و دانیشتووان بکەن لە بەرامبەر ئەو تاوان و پێشێلکارییە سەختانەی کە لە دژی گەلی فەلەستین و خاکەکەیان و شوێنە پیرۆزەکانیان ئەنجامیان داوە."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە پاکستان لە ئەنجامی هێرشێکی چەکداری بۆ سەر کاروانێکی پۆلیس ١٠ پۆلیس گیانیان لەدەستدا.
نووسینگەی بەناو سەرۆک وەزیرانی رژێمی داگیرکەر ئاماژەی بەوەدا کە سەرەڕای لێدوانی دۆنالد ترامپ سەرۆکی ئەمریکا کە چوار ملیار دۆلار هاوکارییەکان ڕادەگیرێت، پشتیوانییەکان بە تەواوی نابڕدرێن، بەڵکو وردە وردە کەم دەکرێنەوە.
ڕژێمی داگیرکەری زایۆنی هێرشێکی ئاسمانی بۆ سەر نەخۆشخانەی ناسر لە شاری خان یونس کە دەکەوێتە باشووری کەرتی غەززە ئەنجامدا. لە ئەنجامی هێرشەکەدا شەش کەس گیانیان لەدەستدا و زیاتر لە ٢٠ کەسی دیکەش برینداربوون.
