لە ڕۆژهەڵاتی تەنگەی هورمز لە ناو تانکەرێکی گازی شل تەقینەوەیەک ڕووی دا و ئاگری گرت.

هێزی دەریایی سوپای پاسدارانی شۆڕشی ئیسلامیی ئێران ڕایگەیاند، لە ڕۆژهەڵاتی تەنگەی هورمز لە ناو تانکەرێکی هەڵگری گازی شل ناسراو بە "LPG" تەقینەوەیەک ڕووی دا و تانکەرەکە ئاگری گرت.

سوپای پاسداران ڕایگەیاند، "چەند کاتژمێرێک لەمەوبەر کەشتییەک کە گازی شلی هەڵگرتبوو و بەرەو ڕۆژهەڵاتی گەرووی هورمز دەڕۆیشت، بە پشتگوێخستنی هۆشدارییە دووبارەبووەکان، هەوڵیدا لە ڕێگای نایاسایی و مەترسیداری باشوورەوە لە تەنگەکە دەرباز بێت و بەر مینێکی دەریایی کەوت و تەقیەوە.

ئەم کەشتییە کە هیچی لە چارەنووسی ئەو کەشتییە نەوتهەڵگرانەی پێشتر تەقینەوە فێر نەبووبوو و بۆ تێپەڕاندنی پشت بە پشتیوانیی فڕۆکە جەنگییەکانی ئەمریکا هەڵبژاردبوو، تووشی تەقینەوەیەکی زۆر توندوتیژ بوو، بێ ئاگا لەوەی کە هەرگیز لەگەڵ ئەو قاچاخچییە و سوپای شەڕانگێزی ئەمریکادا هەماهەنگی نەبووە بۆ ئەوەی بە مینە دەریاییەکان ئامانجەکانی بپێکێت.

تەنگەی هورمز بە ئیرادە و جددییەکی تەواوەوە بەڕێوەدەبرێت، بە فەزڵی خودا. هەر کەشتییەک هەوڵی پێشێلکردنی یاساکانی تەنگەی هورمز بدات و بچێتە ناو ڕێگا نایاسایی و مەترسیدارەکانەوە بە پشتگوێخستنی هۆشدارییەکانی ناوەندی کۆنترۆڵکردنی هاتوچۆی هێزەکانی دەریایی تەنگەی هورمز، هەمان چارەنووسی کەشتییەکانی پێشووی دەبێت."(İLKHA)