ئەرتەش کۆماری ئیسلامیی ئێران ڕایگەیاند کە فڕۆکەیەکی بێفڕکەوانی ئەمریکی MQ-1 لە لایەن سیستەمی بەرگری ئاسمانی لە کەناراوەکانی سیریک لە پارێزگای هورمزگان خراوەتە خوارەوە.

لە ڕاگەیەندراوەکەدا ئاماژە بەوە کراوە کە فڕۆکەکە لەلایەن تۆڕی بەرگری ئاسمانی یەکگرتووی وڵاتەکەوە دۆزراوەتەوە و لەناوبراوە، بەڵام ئەمریکا تا ئێستا بە فەرمی ڕووداوەکەی پشتڕاست نەکردووەتەوە.

یەکەی پێوەندییە گشتییەکانی ئەرتەش کۆماری ئیسلامیی ئێران ڕایگەیاند، "فڕۆکەیەکی بێفڕۆکەوانی سەربازی ئەمریکی MQ-1 لە کاتی چالاکی لە ئاسمانی ئێران لەناوبرا."

لە بەیاننامەکەدا هاتووە، ئەو فڕۆکانە لەلایەن سیستەمێکی نوێی بەرگری ئاسمانی سەر بە هێزی دەریایی ئەرتەشی کۆماری ئیسلامیی ئێران دۆزراوەتەوە و کراوەتە ئامانج و لەناوبراوە.(İLKHA)