Thiago Avilayê Brezîlyayî ku di nav Keştîya Madleena ku ji teref rejima îşxalker di nav ava navneteweyî de hatibû desteserkirin de bû, dest bi grêva birçîbûnîyê kir.

Keştîya Madleenê ku ji bona ji Xezzeya ku ev bû çend meh in parîkî nan jî neketîye navê re alîkarîya însanî bighêjînin derketibû rê, di nav ava navneteweyî de hatibû desteserkirin.

Ekîba hiqûqa Adalahê ku parêzêrîya aktîvîstan girtibû ser milê xwe derheqê bûyerê de daxuyanî da.

Di daxuyanîyê de hat hînbûn ku Thiago Avilayê Brezîlyayî dest bi grêva birçîbûnîyê kirîye. Hat destnîşankirin ku Avîla dema ku keştî hatîye desteserkirin dest bi grêvê kirîye.

Xeyn ji vêya hat ragihandin cîhên ku aktîvîst hatine deserkirin û tê de têne girtin di nav bizmik û spîyan de ye û ava qirêj ji wan re tê dayîn.

Hat diyarkirin ku van 12 aktîvîstên ku di nav ava navneteweyî de hatine desteserkirin, bi sûca “bi rêyên neqanûnî dikevin nav welat” re rûbirû mane û ji van aktîvîstan re qedexeya 100 sal neketina welat hatîye dayîn. (ÎLKHA)