Basem Naîm, endamê Buroya Sîyasî ya Hamasê, diyar kir ku tevgerê pêşniyara dawî ya ji bo agirbestê li Xezzeyê pejirandiye, lê rejîma sîyonîst hêna jî bersiveke fermî negirtiye.

Naîm got ku hikûmeta Netanyahu bi zanebûn pêvajoyê dixetimîne û ji bo berjewendiya xwe ya sîyasî şer didomîne.

Serokê HAMASê Besem Naîm di daxuyaniya xwe ya li ser hesabê xwe yê Telegramê de li ser îddîayên derbarê agirbestê de axivî.

Naîm got, "Em bi rêya medyayê hinek agahiyan dibihîzin. Daxuyanî hene ku rejîma sîyonîst peymana qismî red kiriye û tenê çareserî peymanek berfireh e. Rêveberiya Emrîkayê jî bi eşkereyî piştgiriyê dide vê yekê."

Naîm got, "Me derbarê pêşniyara dawî de ti bersiveke fermî negirtiye. Me derbarê peymana berfireh de ti pêşniyarên nû negirtiye."

Naîm, Serokwezîrê sîyonîst Binyamîn Netanyahu û hikûmeta wî bi siyaseta "paşxistin û dirêjkirina şer" sûcdar kir û got, "Ev rejîm 22 meh in heman rêbazê diceribîne. Ew di ti armancên xwe de bi ser neketiye; tenê mirin û wêranî çêkiriye. Lê Netanyahu vê yekê bikar tîne da ku desthilatdariya xwe û koalîsyona xwe li ser piyan bihêle."

Naîm bal kişand ku HAMAS her tim ji bo agirbestê vekirî bûye û got, "Tevgera me bi hestek berpirsiyariya neteweyî û hişek vekirî her gava pêwîst avêtiye da ku agirbestek pêk bîne. Ew hêna jî ji bo vê yekê amade ye."

Naîm her wiha îfade kir ku israra Netanyahu ya li ser şer bi polîtîkayeke êrîşkar ve girêdayî ye ku ne tenê Xezzeyê lê tevahiya herêmê hedef digire. (ÎLKHA)