Di êrîşa rejima îşxalker a li dijî sîvîlên ku li noqteya belavkirina alîkarîyabûn hat lidarxistin de 72 Filistînîyên dinê jî şehîd bûn. Van êrîşan, piştî agirbestê wek berdewamîya qetlîaman tê binavkirin.

Rejima sîyonîst wehşetên xwe yên li dijî Xezzeyê didomîne.

Îşxalkeran, doh li çar alîyê Xezzeyê bombeyan û topan avêtin, di encamê de herî kêm 72 kesan şehîd kirin.

Di navbera şehîdan de pîrek, zarok, doxtorek û sîvîlên ku li hêvîya alîkarîyêbûn hene.

Li gorî agahîyên ku ji Wezareta Tenduristî ya Xezzeyê ve hat bidestxistin, hinek şehîd li navenda belavkirina alîkarîyê hatin şehîdkirin.

Çavkanîyên Nexweşxaneya El-Avdeyê, diyar kir ku di êrîşa li dijî Filistînîyên ku li başûrê Gelîyê Xezzeyê li hêvîya alîkarîyêbûn hat lidarxistin de sîvîlekî şehîd bû, 5 kes jî birîndar bûn.

Îşxalkeran xebatkarên tenduristîyê jî hedef girtin.

Yek ji êrîşên herî dijwar, li herêma Mewasîya rojavaya Xan Yûnisê hat lidarxistin.

Li vê derê jî di êrîşa îşxalkeran de doxtorekî Filisîtnî û xwarzê wî şehîd bûn.

Êrîşên ku têne kirin piranîya wan li dijî sîvîlan û nuqteyên belavkirina alîkarîyê têne lidarxistin, ev jî balan dikşîne ser xwe. (ÎLKHA)