Çavdêrxaneya Mafên Însanan a Ewrûpa-Behra Spî (Euro-Med), li hember qirkirin û koçkirina mecbûrî ya rejima sîyonîst ku bi sîstematîkî li ser Xezzeyê dimeşîne bang li civaka navneteweyî kir ku bila bi lez û bez tevbigerin.

Çavdêrxane di daxuyanîya ku da de, destnîşan kir ku rejima îşxalker a sîyonîst hiqûqa navneteweyî bi giranî û daîmî îxlal dike, ji hemû welatan jî xwest ku di warê aborî, dîplomatîkî û leşkerî de mueyyîdeyan bidin ser sîyonîstan.

Xeyn ji vêya, ji dadgeha navneteweyî jî hat xwestin ku derheqê rayedarên sîyonîst ên ku li Xezzeyê qirkirin û koça mecbûrî bikartînin de biryara girtinê bê derxistin û derheqê wan de doz bê vekirin.

Euro-Med, diyar kir ku bila hebûn, mal û milkên rayedarên ku beşdarî sûcê bûne bi lez û bez dest bê dayîn ser wan û qedexeya seyehatê bê anîtin. Bang li civaka navneteweyî kir û bal kişand ku divê li hember vêya jî bêdeng nemînin.

Çavdêrxane, bal kişand ku ji bona drama însanî ya li Xezzeyê dawî bibe divê civaka navneteweyî mesulîyeta xwe bicîhbîne. (ÎLKHA)