Rejima sîyonîst, di êrîşa ku li dijî Tehrana paytexta Îranê li dar xist de, Fermandarê Pasdaran Tûmgeneral Huseyîn Selamî şehîd kir.

Çapemenîya dewletê ya Îranê daxuyand ku, di seatên serê sibehê  êrîşî Tehranê kir, di êrîşa sîyonîstan de Fermandarê Giştî yê Pasdaranan Tûmgeneral Husyeîn Selamî şehîd bû. Hat diyarkirin ku di êrîşê de zanyarên nukleer ên Îranê ku navdar in Fereydun Abbasî û Muhammed Mehdi Tahrancî jî şehîd bûne.

Hat îfadekirin ku êrîş ji teref bi dehan balafirên herbê yên îşxalkeran hat lidarxistin û di nav cîhên ku hatine hedefgirtin de tesîsa nukleerî ya Natanzê, leşkergeha aîdê Pasdaranan û navenda fermandarîyê jî hebûne.

Çavkanîyên fermî yên Îranê diyar kirin ku ji bo şehadeta fermandar Selamî li giştîyê welat şîn hat îlankirin û daxuyandin ku ew ê ji êrîşê re bersivekî berfireh bê dayîn. Di daxuyanîya ku ji teref Pasdaranan ve hat belavkirin de weha hat gotin, “Rejima sîyonîst ew ê berdêla vê êrîşê bide.”

Hat ragihandin ku sîstemên parastina hewayê ya Îranê ketine fealîyetê û li Tehranê jî sitargeh hatine vekirin. Bang li gel hat kirin ku bi hêsan bin.

Wezîrê Karên Derve yê Emrîkaya îşxalker Marco Rubio got, “Em di êrîşê de cîh nagrin, divê Îranê me hedef negre.” Û diyar kir ku tu dexlê wan di êrîşê de tineye. (ÎLKHA)