Hemasê desteserkirina desthilata îdarî ya Mizgefta XelîlîÎbrahîmî ji teref rejîma sîyonîst ve û veguhestina wê bo "îdareya sivîl" a qaşo îşxalker wekî gaveke pir talûke ber bi Cihûdkirinê ve ku nasnameya Îslamî û Erebî ya El Xelîlê hedef digire, wesifand.

Hemasê biryara rejîma siyonîst a veguhestina desthilata îdarî ya Mizgefta Îbrahîmî ji Şaredariya El Xelîlê bo "rêveberiya sivîl" a hêzên dagirker ên li Şerîaya Rojava bi tundî şermezar kir.

Tevgerê tekez kir ku ev gav rasterast nasnameya mizgeftê, karakterê Erebî û Îslamî yê bajarê El Xelîlê û mafên dîrokî yên gelê Filistînê hedef digire.

Di daxuyaniyê de hat gotin ku ev biryar berdewamiya hewldanên dagirkeran e ji bo ferzkirina kontrola xwe li ser erd û cihên pîroz ên li seranserê Şerîaya Rojava û Qudsê.

Di dawiya daxuyaniyê de hat tekez kirin ku siyaseta rewşa fiîlî ya ji aliyê dagirkeran ve hatiye ferzkirin nikare rastiyên dîrokî û hiqûqî biguherîne.

Hamasê diyar kir ku Mizgefta Îbrahîmî cihekî îbadetê yê bi tevahî Îslamî ye, ku El Xelîlê dê bajarekî erebî yê Filistînê bimîne û gelê Filistînê dê bi biryardarî li dijî van planan li ber xwe bide. (ÎLKHA)