HAMAS: Ev şerê qederê ye, divê ummet yekgirtî be
13 oC
13 oC
Güneşli
13 oC
Güneşli
Tevgera Berxwedana Îslamî ya Filistînê, HAMAS, êrîşa rejîma sîyonîst a li ser Îranê wekî "pêşkeftinek girîng ku dê qedera herêmê diyar bike" bi nav kir û tekez kir ku divê tevahiya ummetê li dijî vê tehdîdê bibe yek.
Di daxuyaniyekê ku ji teref HAMASê ve hat dayîn de, hat diyarkirin ku ev êrîşa cîddî îxlalkirina eşkere ya hiqûqa navneteweyî û normên mirovî ye û projeya sîyonîst ne tenê ji bo Filistînê, lê ji bo hemû gelên herêmê tehdîdeke hebûnê ye.
Di daxuyaniyê de hat gotin ku planên berfirehkirin û îşxalkirina rejîma sîyonîst li ser herêmê berdewam dikin û êrîşên wî yên li ser hemû gelên berxwedêr zêde dibin.
HAMASê ragihand ku di nav şehîdên êrîşê de Fermandarê Pasdaranan Tuxgeneral Huseyîn Selamî, Serfermandarê Giştî yê Îranê Tuxgeneral Muhemed Baqirî û gelek zanyarên nukleer, hene û sersaxiyên xwe yên kûr ji gel û rêveberiya Îranê re xwest. Her wiha ji bo birîndaran jî şifaya bilez xwest.
Hamasê diyar kir ku Îranê ji bo piştgiriya xwe ya bêwestan ji bo doza Filistînê û helwesta wê ya neteweyî ya serbixwe bedel daye. Bang li hemû cîhana îslamî û hêzên berxwedanê kir ku di vê dema krîtîk de helwestek hevpar û bihêz li dijî vê êrîşê bigirin.
Di dawiyê de, HAMASê tekez kir ku rejîma sîyonîst dijminê sereke yê Ummetê ye, û girîngiya yekîtî û hevgirtinê di vê têkoşîna pîroz de destnîşan kir. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Alîkarê Serokê Giştî yê HUDA PARê û Parlamenterê Mersînê Faruk Dînç beşdarî tevgera wijdanê ya navneteweyî ku li Misirê bi daxwaza gihandina alîkariya mirovî bo Xezzeyê û vekirina Deriyê Sînor ê Refahê hat lidarxistin bû.
Berdevkê Baskê leşkerî yê HAMASê Tûgayên Îzzeddîn El Qessam Ebû Ubeyde, êrîşên rejima îşxalker a li ser Îranê şermezar kir û got, “Ev êrîş, Encama sekina Îranê ya li cem gelê Filistînê û berxwedana wî ya birûmet e.”
Meşa navneteweyî ya ku ji bo vekirina Deriyê Sînor ê Refahê li dijî qirkirina rejîma siyonîst li Xezzeyê hatiye destpêkirin, li Misirê berdewam dike. Parlamenterê Mêrsînê yê HUDA PARê Faruk Dînç, Alîkarê Serokê Weqfa Karwana Hêvîyê Erdal Elûbûyûk û Alîkarê Serokê ÎTTÎHADUL ULEMAyê Mele Abdulqudûs Yalçin jî beşdarî meşê dibin.
Tevgera Cîhada Îslamî, êrîşa rejima îşxalker a li ser Îranê bi zimanekî tund şermezar kir, û daxuyand ku ew bi gelê Îran û bireveberîya Îranê ne re.
