Hejmara şehîdên li Xezzeyê gihîştiye 73.293 kesan
13 oC
13 oC
Güneşli
13 oC
Güneşli
Li Xezzeyê di 24 saetên dawî de di êrîşên rejîma sîyonîst de 10 Filistînî şehîd bûn û 42 kes jî birîndar bûn. Bi vê yekê, ji 7ê Cotmeha 2023an vir ve hejmara şehîdan gihîştiye 73 hezar û 293 kesan û hejmarê birîndaran jî gihîştiye 173 hezar û 906 kesan.
Wezareta Tenduristiyê ya li Xezzeyê amarên dawî yên şehîd û birîndarên di êrîşên rejîma sîyonîst de eşkere kir.
Li gorî daxuyaniyê, di 24 saetên dawî de 10 şehîd û 42 birîndar ji bo nexweşxaneyên li Xezzeyê hatine veguhastin.
Bi vî awayî, hejmara şehîdên di êrîşên ku ji 7ê Cotmeha 2023an vir ve berdewam dikin de gihîştiye 73.293an û hejmara birîndaran jî gihîştiye 173.906an.
Wezaretê ragihand ku piştî agirbesta ku di 11ê Cotmehê de ket meriyetê, hejmara şehîdan gihîştiye 1168an û hejmara birîndaran jî gihîştiye 3798an.
Di daxuyaniyê de her wiha hate destnîşankirin ku bi tevahî 802 cenaze, tevî yên ku di dema agirbestê de ji bin xirbeyan hatine derxistin, ji bo nexweşxaneyan hatine veguhastin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Hat ragihandin ku Wezîrê Ewlekariya Neteweyî yê îşxalkeran, Îtamar Ben-Gvir, planeke kolandina xendekan li dora Girtîgeha Ketziotê, ku esîrên Filistînî lê ne, xistiye meriyetê û ew ê bi tîmsahan were dagirtin. Li gorî nûçeyên di çapemeniya Îbranî de, kolandina xendekan li beşek ji girtîgehê dest pê kiriye û ji bo projeyê budçeyek ji 21 milyon şekel hatiye veqetandin.
Ekîbên Parastina Sivîl li Xezzeyê cenazeyên 47 şehîdan ji nav xirbeyên xaniyê malbata el-Hesayine li taxa Sabra ya bajarê Xezzeyê derxistin. Xebatên lêgerînê ji bo 36 şehîdên ku tê bawerkirin hêna jî di bin xirbeyan de ne berdewam dikin.
Sîyonîstan li Beytlehmê li Şerîaya Rojava ya îşxalkirî pênc malên Filistînîyan hilweşandin. Li heman herêmê, sîyonîstek bi wesayîta xwe li du mihên şivanekî da û ew kuşt.
Sîyonîstên îşxalker di serdegirtinên li deverên cûrbecûr ên Şerîeya Rojava û Qudsê de nêzîkî 40 Filistînî, ku di nav wan de jin, esîrên serbestberdayî û karkerên ji Xezzeyê jî hene, girtin.
