Li gorî çavkaniyan, Iraqê deriyê sînorî yê Şeyb ê bi Îranê re girt da ku rewşa ewlehiyê binirxîne.

Li gorî rapora Reutersê ku ji rayedarên sînorê Iraqê dispêre, rayedarên Iraqê deriyê sînorî yê qerebalix ê Şeyb bi Îranê re ji bona ku kontrolên ewlehiyê bikin û alavên tespîtkirinê bi cih bikin girtine.

Li gorî çavkaniyên ajansê, deriyê Şeyb heta agahdariyeke din ji bo rêwîyan, wesayîtan û qamyonên bazirganî girtî dimîne.

Karbidestekî ewlehiyê ji parêzgeha Xuzistanê ya başûrê rojavayê Îranê jî diyar kir ku deriyê sînorî yê Şeyb, ku li aliyê Îranê wekî Şazabah tê zanîn, ew ê heta agahdariyeke din were girtin û ev biryar ji aliyê hikûmeta Iraqê ve hatiye dayîn. (ÎLKHA)