Li bajaroka Banibangouya li rojhilata Nîjerê ji 200î zêdetir êrîşdarên bi motorbisiqletê êrîşî baregeha artêşê kirin, di êrîşê de herî kêm 34 leşker canê xwe ji dest dan.

Wezareta Parastina Nîjerê di daxuyanîya ku belav kir de, destnîşan kir ku di êrîşa li bajaroka Banibangouya li nêzê sînora Malîyê hat lidarxistin de 34 leşker hatine kuştin.

Di daxuyanîya wezaretê ku li ser televîzyonê hatibû parvekirin de weha hat gotin, “Ji heşt wesayît û 200 motorbisiqletî zêdetir çeteyekî ku ji leşkerên bipere pêk tê li Banibangoyê êrîşeke tirsnak û bêrehm lidar xistin.”

Wezaret, îfade kir ku di êrîşê de 34 leşker mirin, 14 leşker jî birîndar bûn û bi dehan êrîşdar jî hatin kuştin. (ÎLKHA)