Cemaata Îslamî ya Lubnanê piştî şehadeta yek ji fermandarên pêşeng ê xwe yê bi navê Şêx Huseyîn Atvî li başûrê Beyrûtê di êrîşa hewayî ya sîyonîstan de peyama sersaxiyê weşand.

Hat ragihandin ku Huseyîn Îzzet Atvî ku akademîsyen û pêşengê cemaetê ye îro danê sibê di êrîşa hewayî ya ku ji teref rejîma îşxalker a sîyonîst ve hat kirin de şehîd bû.

Di daxuyanîya ku hat belavkirin de hat destnîşankirin Atvî danê sibeha 22ê Nîsana 2025an dema ku ji mala xwe ya li Baourtayê derdiket û ber bi Beyrûtê ve diçû, ji teref balafireke bê mirov a rejîma sîyonîst ve hat hedefgirtin.

Di daxuyaniyê de weha hat gotin:

"Em vê cinayeta hovane bi tundî şermezar dikin. Sîyonîstê dijmin berpirsê vê êrîşê ye. Ji ber vê yekê ev hêrs, ev êrîşên provokatîf wê heta kengê bidome? Heta kengê ewlehîya Lubnanê û gelê wê bibe hedef?"

Hat diyarkirin ku Huseyîn Îzzet Atvî hem di nava civakê de berpirsyarekî bilind bû û hem jî di asta zanîngehê de akademîsyenekî bû.

Di dawiya daxuyaniyê de bal hat kişandin ser wê yekê ku ew ê wekî "alim, waîz û mucahîd" bê bibîranîn. (ÎLKHA)