Serokwezîrê Iraqê Alî Zeydî doh ragihand ku operasyona dijî gendeliyê, ku tê de bi dehan siyasetmedar û berpirsên payebilind hatin girtin, tenê merhaleya yekem bû. Hikûmetê tekez kir ku operasyonên li dijî kesên ku çavkaniyên giştî talan dikin ew ê berdewam bikin û gendelî di nav dewletê de nayê qebûlkirin.

Piştî operasyoneke berfireh a dijî gendeliyê ku doh sibê li gelek bajarên Îraqê, bi taybetî li Bexdayê, hat lidarxistin, Serokwezîr Alî Zeydî ragihand ku operasyon ew ê berdewam bikin.

Zeydî di civîna kabîneyê de axivî û diyar kir ku pêla girtinê ya ku siyasetmedar, endamên parlamentoyê û karbidestên payebilind hedef digirin "merhaleya yekem" e, û got ku hikûmet ew ê bi biryardarî hewlên xwe yên ji bo vegerandina çavkaniyên giştî û şerê li dijî gendeliyê bidomîne.

Zeydî diyar kir, "Operasyona li dijî gendeliyê hatiye destpêkirin merhaleya yekem e. Em mecbûr in berjewendiyên gel biparêzin, û em ê li ser vê berpirsiyariyê tawîzê nedin." (ÎLKHA)