Rejima îşxalker ji 7ê Cotmeha 2023yan vir ve qirkirina xwe ya li Xezzeyê didomîne, di encama wê qirkirinê de hejmarê şehîdan derket 61 hezar û 776an, hejmarê birîndaran jî gihaşt 154 hezar û 906 kesan.

Di nav 24 seatên dawîn de ji nexweşxaneyên Xezzeyê re 54 şehîd û 831 birîndar hatin gihandin.

Ji 18ê Adara 2025an vir ve ku rejima îşxalker agirbestê xera kir êrîş dijwartir bû. Heta niha 10 hezar û 251 kes şehîd bûn, 42 hezar û 865 kes jî birîndar bûn.

Di nav 24 seatên dawîn de jî ji ber birçîbûnî û kêmxwarinê 4 kes şehîd bûne û bi tevî vêya li Xezzeyê tev de 239 kes ji birçîna û kêmxwarinê şehîd bûne, ji wan 106 kes zarok in.

Li gorî çavkanîyên tenduristîya Filistînê, piranîya şehîdan zarok û pîrek in.

Rayedaran, bal dikşînin ku her roj ku diçe şehîd zêde dibe û rewşa însanî jî xerabtir dibe.

Hat îfadekirin hêna jî gelek mirov di bin kavilan de ne û ambûlans û ekîbên paratina sîvîl nikarin xwe bighînin wan. (ÎLKHA)