Sîyonîstên îşxalker, li herêmên cuda yên Xezzeyê êrîşên xwe yên hewa, bejahî û topan didomînin, di encama wan êrîşan de herî kêm 17 Filistînî şehîd bûn.

Li gorî çavkanîyên mehellî, balafirên bêînsan yê hewayê ya sîyonîstan bi hedefgirtina herêmên cuda yên Xan Yûnisê bûn sedema şehîdbûna 6 Filistînîyan, gelek kes jî birîndar bûn.

Îşxalkeran, di heman demê de tesîra hilberîna dermanan a Navenda Tip a Nasserê jî hedef girtin, taxên rojhilat a bajêr jî bûn hedefan topan. Li Taxa El Amûra bajaroka El Faharîyê du xanî hatin hedefgirtin, di encamê de 1 Filistînî şehîd bû.

Li gorî diyarîyên rojnamegeran, hêzên aîdê artêşa îşxalê li Ceddeya Ketîbe û derdorê Ceddeya 5emîn a Xan Yûnisê ciwanekî bi navê Ahmed Serhanê şehîd kirin.

Îşxalkeran li Xan Yûnisê xizmeta înternetê jî qut kirin û li derdorê nexweşxaneya Nasserê re jî gelek bombeyan avêtin.

Artêşa îşxalê, doh êvarê li dijî gelek herênên Xezzeyê êrîşeke mezin a bejahîyê da destpêkirin. Ev êrîş, nîşan dide ku ew ê van êrîşên ku 19 meh in berdewam dikin zêdetir bike. (ÎLKHA)