Serokkomarê Fransayê Emmanuel Macron bi gotinên tund rexne li sîyaseta qaşo Serokwezîrê rejîma sîyonîst Binyamin Netanyahu ya li ser Xezzeyê kir. Macron krîza mirovî ya li Xezzeyê wekî "nepejirandî" û "şermê" bi nav kir.

Serokkomarê Fransayê Macron rewşa li Xezzeyê wekî "trajediyek mirovî" bi nav kir û got ku astengkirina av, derman û alîkariya bijîşkî pirsgirêkek cîddî ye. Wî diyar kir ku dorpêç û êrîşên rejîma sîyonîst li ser Xezzeyê rê li ber gihîştina pêdiviyên bingehîn ên sîvîlan digire.

Herwiha, Macron got ku îşxalker bi çekên Emrîkayê ve girêdayî ne û ji ber vê yekê Serokê Emrîkayê Donald Trump di guhertina rewşê de roleke girîng dilîze.

Macron her wiha îddîa kir ku di dema hevdîtinên xwe yên bi Netanyahu re wî gotinên tund bi kar anîne û hêrs bûye.

Li ser pirsa gelo rewşa li Xezzeyê dikare wekî "qirkirin" were binavkirin, Macron îddîa kir ku divê dîroknas pênaseyên wiha bikin. Wî diyar kir ku erkê wî ew e ku her tiştê ku ji destê wî tê bike da ku ev karesat raweste. (ÎLKHA)