Berpirsê HAMASê Teysir Suleyman, ji kesên ku tevger û berxwedanê ji ber mirinên li Xezzeyê sûcdar dikin re bertek nîşanî da û got, "Ger berxwedan teslîm bibe, dibe ku ew bikaribin bixwin, lê serê wan ew ê were jêkirin! Armanca îsraîlê ev e: Ger hûn nikaribin berxwedanê têk bibin, gelê wan bikujin. Bi birçîbûn û dorpêçkirinê wan bînin ser çokên wan."

Teysir Suleyman, berpirsekî Hamasê, di daxuyaniya xwe ya ji bo El Cezîreyê da de, bertek nîşanî daxwaza berpirsên rejîma îşxalker da ku Hamas dev ji hemû daxwazên xwe berde û teslîmî daxwazên îşxalkeran bibe.

Silêman got, "Rastî ev e ku Smotrich, Ben Gvir, Netanyahu, Katz, hikûmeta rastgir a îsraîlê, û heta gelek kesayetên muxalefetê, bawer dikin ku xwîna Filistîniyan destûr e, ku divê Filistînî werin kuştin, girtin û ji welat werin derxistin. Ger ev neyê kirin, ew dibêjin, em ê 'ji cehennemê bêtir' bikar bînin. Lê ew nikare ji tiştê ku artêşa îşxalker li zarok, mal û jinan li Xezzeyê kiriye bêtir tiştek be. Em dibînin ku niştecihan heman tiştî li Şerîaya Rojava dikin: Ew bi rêjeya herî bilind a heta niha dikujin, dorpêç dikin, lê didin û erdê desteser dikin."

Suleyman bal kişand ku tekane rêya derxistina girtiyan ji berxwedanê gavên wekî "berdana girtiyên berxwedanê, bidawîanîna şer, vekişîna ji Xezzeyê û anîna alîkariyê" ne, û destnîşan kir ku artêşa îşxalker ti armancên xwe li Xezzeyê bi dest nexistiye û wê bi dest nexe jî.

Dema ku ji Suleyman hat pirsîn gelo HAMAS ji ber mirin û birçîbûna li Xezzeyê berpirsiyar e, wî wiha bersiv da:

“Gelê me yê li Xezzeyê mafê wî heye ku her tiştî bibêje. Ew dikarin ne tenê ji me re, lê ji cîhanê re jî bibêjin. Lê ev jî heye: Ger berxwedan teslîm bibe, dibe ku ew bikaribin xwarinê bixwin, lê serê wan ew ê were jêkirin.

Armanca îsraîlê ev e. Stratejiya wan a leşkerî ev e: Ger hûn nikaribin berxwedanê têk bibin, gelê wan bikujin. Jîngeha wan a civakî hilweşînin. Bi birçîbûn û dorpêçkirinê wan bînin ser çokên wan. Faşîstan ev rêbaz li Lîbyayê û Naziyan jî li Rûsyayê bi kar anîtin.

Rastiyeke din jî heye: Eger berxwedan tunebûya, em dikarîbûn li ser rewşeke dişibihe sala 1948an biaxivin: wêrankirina zêdetirî 600 gund û bajaran, kuştina bi deh hezaran kesan, sirgûnkirina zêdetirî nîvê nifûsê...

Em ji vêya bawer in: Bêyî berxwedanê û vî gelî, li Xezzeyê, û belkî jî li Şerîaya Rojava, ew ê komkujiyek girseyî biqewimiya. Gelê me yê li Xezzeyê mafê wî heye ku îro, ji me hemûyan û ji cîhanê re, dengê xwe bilind bike. Ji ber ku ev operasyoneke birçîbûnê ye. Ev ne xela  ye; ev birçîbûneke bi zanebûn e. Îşxalker zarokan dikuje, jinan hedef digire û her tiştî wêran dike, hemî ji bo yek armancê: Bila berxwedan teslîm bibe.

Lê berxwedan xwe venaşêre, şer dike, lêdide, ji bo parastina gelê xwe hemû hewla xwe dide." (ÎLKHA)