Sîyonîstên îşxalker, êrîşî navenda belavkirina alîkarîya ku li nêzê “Netzarîmê” ye kirin. Di qetlîamê de 13 Filistînî şehîd bûn, ji 200î zêdetir mirov jî birîndar bûn. Di nav du hefteyên dawîn de hejmarê şehîdên ku di rêza alîkarîyê de hatibûn hedefgirtin derket 224 kesan.

Sîvîlên ku li Xezzeyê bi birçîbûnîyê re micadeleyê didin carekî dinê jî bûn hedefê guleyên sîyonîstan. Ji teref sîyonîstan ve êrîş li ser Filistînîyên ku dixwestin xwe bighêjînin navenda belavkirina alîkarîyê ya li nêzê “Netzarîmê” hat lidarxisitn. Di êrîşê de herî kêm 13 kes şehîd bûn, ji 200î zêdetir mirov jî birîndar bûn.

Çavkanîyên tenduristîya Filistînê, diyar kirin mirovên ku dûçarê êrîşê bûne Filistînîyên ku li hêvîya alîkarîyê bûn in, di navbera Filistînîyên ku hatine hedefgirtin de zarok û pîrek jî hene.

Doh jî êrîş li navenda alîkarîyê hatibû kirin û di encama wê êrîşê de jî 28 kes şehîd bûbûn, bi dehan mirov jî birîndar bûbûn.

Di nav çend rojên dawîn de rejima sîyonîst sîvîlên ku li hêvîya alîkarîyê ne hededf digrin û dibin sedema qetlîamên mezin. (ÎLKHA)