Ji ber êrîşên rejima sîyonîst û bomberdmanên giran li Xezzeyê krîza însanî her roj ku diçe kurtir dibe. UNRWA, daxuyand ku bi dehhezaran sîvîlên xwe sipartine 115 navendan ji lazimatîyên bingeh mehrûm in.

Li Xezzeyê ji ber êrîşên rejîma terorê kirîza tendusitîyê û birçîbûnê her ku diçe kûrtir û mezintir dibe.

UNRWAyê eşkere kir ku bi dehhezaran însanên ku xwe sipartina 115 navendên sitrandinê ji lazimatîyên bingeh mehrûm hatine hîştin.

UNRWA da zanîn ku li herêmê rewşa însanî her kû diçe xiraptir dibe û vêga hê jî dorpêçî û ambargo dewam dike.

Di daxuyanîya ku ji teref UNRWAyê ve hat belavkirin de hat îfadekirin ku îzîn û destûr nayê dayîn ku amûrên tîcarî û alîkariyên însanî têkeve nava Xezzeyê. Xelkê Xezzeyê bi birçîbûn, tîbûn û kirîza tenduristîyê re tenê hatiye hîştin.

Hat îfadekirin ku nêzîkê 660 hezar zarok ji ber êrîşên rejîma sîyonîst ji heqê perwerdehîyê mehrûm hatine hîştin.

Li ser hesabê UNRWAyê hat parvekirin ku “Ji serê salê û vir ve piştî agirbesta li Xezzeyê hat sepandin, şansê mayîna jîyanê û dîsa heqê zarokbûyînê ji zarokên Xezzeyê re hatibû dayîn. Ji nû ve destpêkirina û nûkirina herbê dîsa ev heqê zarokbûyînê ji zarokên Xezzeyê hat girtin.”

Hat îfadekirin ku ji betalbûna agirbestê û hetanî niha nêzîkê 420 hezar Filistînî ji cîh û warên xwe bûne û ji ber vê yekê em dîsa banga agirbestê nû dikin. (ÎLKHA)