UNICEFê ragihand ku zarokên ku li Xezzeyê tedawiya kêmxwarinê dibînin ji ber dorpêçkirina rejîma îşxalker di bin talûkeya ciddî de ne.

Fona Alîkariya Zarokan a Neteweyên Yekbûyî (UNICEF) ragihand ku li Xezzeyê ji 18ê Adarê vir ve ji sedî 15ê navendên tedawiya kêmxwarinê ji ber fermana valakirinê û bomberdûmanê hatine girtin.

Di daxuyaniyê de  hat destnîşankirin ku ji ber girtina navendan ji ber dorpêçê jiyana 350 zarokên li van navendan di bin talûkeyeke ciddî de ye.

Hat diyarkirin ku li herêmên naverast û başûrê Xezzeyê ji bo pitikan xwarina pêvek qediyaye û ji bo mehekê tenê ji bo 400 zarokan xwarina hazir a zarokan maye.

Di daxuyaniyê de hat bibîrxistin ku rejîma îşxalker ji 2ê Adarê û vir ve destûr nade ku alîkarî derbasî Xezzeyê bibe û got,  "Eger di hefteyên pêş de sotemenî li Xezzeyê biqede, dibe ku rêjeya gihandina ava vexwarinê ya mîlyonek kesî dakeve binê 4 lîtreyan, ev jî dibe ku malbatan neçar bike ku ava bê ewle bikar bînin û talûkeya nexweşiyê bi taybetî di nav zarokan de zêde bibe." (ÎLKHA)