Êrîşên artêşa îşxalker a li ser bajar û kampa Cenînê di roja şeşemîn de berdewam dike.

Di êrîşa îşxalkeran a li dijî bajarê Cenîn ê Şerîeya Rojava ku di roja 6emîn de berdewam dike de herî kêm 15 kes şehîd bûn û gelek kes jî birîndar bûn.

Di êrîşên îşxalkeran de heta niha 15 kes şehîd bûne û bi dehan kes jî birîndar bûne.

Her wiha di encama êrîş û şer û pevçûnan de gelek malên sivîlan wêran bûn an jî şewitîn û binesaziya bajêr jî zerarek mezin dît.

Di çend rojên borî de hêzên îşxalker li kampa Cenîn gelek xanî şewitandin, hin xanî hilweşandin û teqandin.

Zaroka bi navê Leyla El-Xetîb a duh li gundê Sêgoşeya Şehîdan a başûrê Cenînê bi guleya ji serê xwe birîndar bibû, bi guleyên sekvanên îşxalker şehîd bû. Bi vî awayî di nava 6 rojan de hejmara şehîdan derket 15an.

Hêzên îşxalê li derdora Nexweşxaneya Dewletê ya Jenînê bi cih bûne û nahêlin ketin û derketina nexweşxanê çêbibe.

Herwiha sewqiyata hêz û wesayitên leşkerî yên siyonîstan bo bajar û kampa Cenînê dewam dike. (ÎLKHA)