Nebûna Serokkomarê Azerbaycanê Îlham Alîyev ji civîna bilind a Rêxistina Dewletên Tirkî li Enqerê, tevî daweta şexsî ya Serokkomarê Tirkîyeyê Recep Tayyîp Erdogan, rageşiya di navbera têkiliyên herdu welatan de nîşan da.

Nakokiyên dawî yên di navbera Tirkîye û Azerbaycanê de, bi taybetî li ser qedexeyên Bakûyê yên li ser bikaranîna serpoşê li dibistanan û rexneyên ji Enqerê, guman li ser hevpeymaniya kevneşopî ya di navbera her du welatan de çêkirine.

Helwesta tund a rêveberiya Aliyev li hember rexneyên ji Tirkîyeyê û heta ragihandina 31 welatiyên Tirkiyeyê ji aliyê Wezareta Karên Derve ya Azerbaycanê ve wekî mirovê ku nayê xwestin ji ber rexnekirina Bakuyê li ser medyaya civakî, nîşan dide ku rageşiya di têkiliyan de gihîştiye asteke dîplomatîk.

Her çiqas Erdogan di vekirina lûtkeyê de tekezî li ser yekîtî û nebûna dabeşbûn û pevçûnê kir jî, nebûna Alîyev balkêş bû. Azerbaycan di lûtkeyê de ji hêla Wezîrê Derve Ceyhun Bayramov ve hate temsîlkirin, rêveberiya Bakûyê jî bernameya mijûl û bûyerên pêşwext plankirî ya Alîyev wekî sedem nîşan da. Lêbelê, biryara wî ya beşdarnebûnê, tevî vexwendinek taybetî ji hêla Erdogan ve, baweriya dîplomatîk a vê ravekirinê dixe bin gumanê.

Nakokiyên di navbera her du welatan de ne tenê bi rexneyên li ser siyaseta navxweyî ve sînordar in. Her çend Tirkiye bi tundî qirkirin û komkujiyên sîstematîk ên rejîma îşxalker a sîyonîst li Xezzeyê şermezar dike jî, têkiliyên nêzîk ên berdewam ên Azerbaycanê bi rêveberiya qaşo Tel Avîvê re cûdahiyek din a polîtîkayê ya girîng di navbera Enqere û Bakûyê de ye. Hewldanên Tirkiyeyê yên ji bo normalîzekirina têkiliyên bi Ermenistanê re jî rastî berxwedana hikûmeta Azerbaycanê tên.

Pispor destnîşan dikin ku li pişt retorîka "du dewlet, yek netewe", demek dirêj e li ser mijarên wekî serwerî, bandora Enqerê li ser Bakûyê, nêzîkbûna bi rejîma îşxalker a siyonîst û normalîzekirina têkiliyên bi Ermenistanê re nakokî hene.

Ev aloziya bi Azerbaycanê re, ku ji bo armancên Tirkîyeyê yên zêdekirina tesîra xwe ya herêmî girîngiyeke stratejîk e, nirxandinên ku rêveberiya Bakuyê heta di têkiliyên îtîfaqê de jî helwesteke bêtawîz û girtî nîşan dide, xurt dike. (ÎLKHA)