Bernameya dawî ya çalakiyên "Jiyan bi Nimêjê Xweş e", ku ji teref Evîndarên Pêxember ve ji bo perwerdekirina zarokan li ser nimêjê hatine destpêkirin, dê roja Yekşemê, 28ê Îlonê, li kampusa Mizgefta Kurşunlu ya li Dîyarbekirê were lidarxistin.

Bernameya çalakiyên salane yên "Jiyan bi Nimêjê Xweş e" yên îsal hate ragihandin. Bernameya dawîn, ku li gelek parêzgeh û navçeyan tê lidarxistin, ji bo roja Yekşemê, 28ê Îlonê, saet 13:30an li Kampusa Mizgefta Kurşunlu ya li Dîyarbekirê hatiye plankirin.

Yakup Kaya, endamê Lijneya Rêvebir a Weqfa Evîndarên Pêxember, derbarê armanc û naveroka giştî ya bernameyên nimêjê û bernameya Dîyarbekirê, ku wekî çalakiya dawîn hatibû destnîşankirin, daxuyanî da û zarok û malbatên wan dawetî bernameya ku ji bo dawiya hefteyê hatibû plankirin kir.

"Me fêr kir ku em bi girtina destmêjê di warê maddî, bi kiirna nimêjê jî di warê menewî de xwe paqij dikin”

Kaya, destnîşan kir ku Weqfa Evîndarên Pêxember dê vê hefteyê fînala bernameya xwe ya "Jiyan bi Nimêjê Xweş e" li dar bixe û got, "Bernameya 'Jiyan bi Nimêjê Xweş e' di 4ê Tebaxê de dest pê kir û di 12ê Îlonê de bi dawî bû. Bi rêya çalakiya nimêjê, zarokên me yên 7-12 salî fêrî kirina destmêjê û nimêjê bûn. Me fêrî wan kir ku bi rêya destmêjê xwe ji qirêjiyên maddî û bi rêya nimêjê jî xwe ji qirêjiyên manewî paqij bikin. Ji ber ku Pêxemberê me (silavên Xwedê li ser be) gotiye, 'Nimêj stûna dîn e.' Ji ber vê yekê, nimêj di şekildana karakter û şexsîyetên zarokan de ji temenê biçûk ve roleke girîng dilîze. Pêxember (silavên Xwedê li ser be) dema ku zarokên me dibin 7 salî, nimêjê di hişê zarokên me de diçîne û fêr dike, û divê ew dema ku dibin 10 salî bi berdewamî wê bikin."

'Ji bo zarokên me ew ê rojeke pir girîng be'

Kaya, hûrgilîyên derbarê bernameya dawî ya ku roja Yekşemê li Dîyarbekirê tê lidarxistin de parve kir û got, "Wekî Weqfa Evîndarên Pêxember, me kampanyayek nimêjê da destpêkirin ku hemû beşên civakê hedef digire. Di çarçoveya vê hewildanê de, me çalakî li dar xistin da ku alîkarîya bi hezaran zarokan bikin ku dest bi nimêjê bikin û wê bikin beşek ji jiyana xwe. Di encama vê bernameya perwerdehîyê ya şeş hefteyan de, em ê bi îzna Xwedê vê Yekşemê saet 13:30an de li Kampusa Mizgefta Kurşunlu çalakîyek mezin li dar bixin."

Kaya got, "Me ji bo xwişk û birayên xwe yên ku dest bi nimêjê kirine û niha beşek ji jiyana xwe ji bo nimêjê terxan dikin, çalakîyên pir girîng amade kirine û em heyecana wan dijîn. Em piştrast in ku hem zarok û hem jî dêûbav vê heyecanê dijîn. Em li benda vê çalakîyê ne û hemû xwişk û birayên xwe awetî bernameyê dikin. Ev bernameyek pir berfireh e, ku nêzîkî 20 celeb lîstik, rê, şano û çalakiyên ku zarok dikarin bixwînin û bikin vedihewîne. Ji ber vê yekê, ew ê ji bo zarokên me rojek bêhempa be. Ez hemû xwişk û birayên ku niha dest bi nimêjê kirine, çi beşdarî bernameyên me yên nimêjê bibin çi nebin, dawetî vê çalakîyê dikim."

"Em hêvî dikin ku ev bûyer ji bo zarok û dêûbavên wan bibe deriyek ji bo nimêjê"

Kaya, hemû zarok û malbatên wan ên ku dixwazin beşdarî çalakiyê bibin dawetî kir û got:

"Her çend çalakiya me ji bo zarokan be jî, hemû dê û bav dikarin beşdar bibin. Piştî ku di bernameyên salên berê de guhertinên di zarokên xwe de dîtin, malbat dixwazin bi rêkûpêk werin. Ji ber vê yekê, ev bernameya şeş-hefteyî dê tesîrê li jiyana zarokekî bike, dibe ku 50-60 salan, û ez bawer dikim ku ew ê ji bo zarokên me xalek werçerxê be. Ev girîng e ji ber ku zarokên me dê dest bi nimêjê bikin û wê bikin beşek ji jiyana xwe. Em hêvî dikin ku ev çalakî ji bo zarokan û dê û bavên wan xalek werçerxê be û deriyek ji bo nimêjê be." (ÎLKHA)