Parlamenterê Entabê yê HUDA PARê Şahzade Demîr di civîna çapemeniyê ya ku li Meclisê hat lidarxistin de bang li hikûmetê kir ku Fîloya Sumuda Kûrewî biparêze.

Cîgirê Serokê Giştî yê HUDA PARê û Parlamenterê Entabê Şahzade Demîr, di civîna çapemeniyê ya ku li Meclisa Mezin a Tirkiyeyê li dar xist de diyar kir ku divê Fşloya Sumuda Kxwrewî ya ku li dijî qirkirina li Xezzeyê çalakî pêk anî, were parastin û bal kişand ser berpirsiyariya dîrokî.

"Bi êş eşkere kir ku hêza astengkirinê ya Ummetê çiqas qels bûye"

Demîr êrîşa rejîma îşxalker a sîyonîst li ser serokên Tevgera Hamasê li Qeterê bi bîr xist û got, "Ew rastiya ku di Civîna Bilind a Hevbeş a Awarte ya Rêxistina Hevkariya Îslamî û Yekîtîya Ereban de, ku piştî êrîşê civiya, tenê biryara şermezarkirinê hat dayîn, bi êş nîşan da ku hêza astengkirinê ya Ummetê çiqas qels bûye. Bi nebûna bertekê ve cesaret girt, rejîma siyonîst tavilê dest bi îşxalkirina Xezzeyê kir û plana xwe ya îşxalkirinê kûrtir kir."

"Tekane rêya pûçkirina vê planê ew e ku serwerên welatên Îslamî nûnerên rastîn ên gelê Filistînê nas bikin"

Demîr, diyar kir ku plana rejîma qirker a ji bo îşxalkirina bi temamî ya Xezzeyê di meriyetê de ye û got, "Rejîma terorîst a siyonîst bi eşkereyî niyeta xwe ya ji bo paqijkirina Xezzeyê ji nexşeyê radigihîne. Ev bêwijdanî encama daxuyaniyên bêbandor û bersivên dîplomatîk ên bêdestûr ên cîhana Îslamî ye. Wekî din, bi hîleya 'Em ê Dewleta Filistînê nas bikin', dewletên Rojavayî armanc dikin ku HAMASê, ku îradeya rastîn a gel temsîl dike, bêbandor bikin, rêveberiyek bêçek û hevkar wekî yekane muxatab îlan bikin û axên Filistînê radestî siyonîstan bikin. Tekane rêya têkbirina vê planê ew e ku raya giştî û rêberên welatên Îslamî nûnerên rastîn ên gelê Filistînê nas bikin û rewatiya wan biparêzin."

"Tirkiye, li gorî berpirsiyariyên xwe yên dîrokî û exlaqî, divê ji bo parastina fîloyê dest bi înîsiyatîfên dîplomatîk ên navneteweyî bike"

Demîr got, "Tevî helwesta pasîf a cîhana Îslamê, tevgera mirovî ya ku ji aliyê raya giştî ya cîhanê ve ji bo rawestandina qirkirina li Xezzeyê hatiye destpêkirin hêvîdar e."

Fîloya Sumudê, ku ber bi Xezzeyê ve çû, mînaka herî berbiçav a vê yekê ye. Ewlekariya vê fîloyê pir girîng e. Tirkiye, li gorî berpirsiyariyên xwe yên dîrokî û exlaqî, divê di vê pêvajoyê de welatê pêşeng be; divê ji bo parastina fîloyê înîsiyatîfên dîplomatîk ên navneteweyî bide destpêkirin û avakirina korîdorên ewlehiyê hevrêz bike. Divê mirovên xwedî wijdan zextê li ser hikûmetan zêde bikin; divê tavilê boykoteke siyasî, aborî û dîplomatîk a rejîma sîyonîst were bicîhanîn û zexta navneteweyî heta ku îşxal bi dawî bibe, herî zêde were zêdekirin.” (ÎLKHA)