Kermesa ku ji hêla Karwana Hêvîyê ya Dîyarbekirê ve ji bo piştgiriya malbatên bê dê, bêkes û feqîr tê lidarxistin, li Meydana Şêx Seîd a navçeya navendî ya Sûrê dest pê kir.

Kermesa salane ya ku ji hêla Karwana Hêvîyê ya Dîyarbekirê ve tê lidarxistin, îsal payîzê dîsa tê lidarxistin.

Kermesa ku ji bo piştgiriya sêwî, mexdûr û malbatên hewcedar tê lidarxistin, ew ê di navbera 12-18ê Cotmehê de li Meydana Şêx Seîd a navçeya navendî ya Sûrê mêvanan pêşwazî bike.

Alîkarê Serokê Karwana Hêvîyê ya Dîyarbekirê Abdurrahîm Karadenîz, diyar kir ku di roja yekem a kermesê de gel eleqeyek mezin nîşan da û di kermesê de ji xwarinên herêmî bigire heya cil, pêlav, cam û elektronîk cûrbecûr berhem hatine pêşkêş kirin.

Karadenîz diyar kir ku welatî dikarin li qada kermesê bi fîyetên erzan kirrînê bikin û destnîşan kir ku hemû qezenca berhemên ku li wir têne firotin ew ê ji bo lazimatîyên malbatên bê dê û bav û bêkes were bikaranîn.

"Malbatên me berî zivistanê hewceyê êzingan in"

Karadenîz got, "Şikir ji Xwedê re, gelê me eleqeyek mezin nîşanî kermesa me dide. Di kermesa me de xwarinên herêmî, cil, şûşe, pêlav û gelek berhemên din hene. Bi îzna Xwedê, welatiyên me dikarin werin vir û bi fîyetên maqûl ji bo malbatên xwe kirrînê bikin. Dahata her tiştê ku tê kirîn ew ê ji bo malbatên me yên bêzar û mihtac were bikar anîn.

Zivistan tê. Malbatên me yên feqîr hewcedariya wan bi sotemeniya germkirinê heye. Her wiha bernameyek me heye ku ji bo zarokên me pêlav û kincên piçûk peyda bikin. Em ê hemû dahata ku em ji vê bernameyê bi dest dixin ji bo malbatên xwe yên hewcedar bikar bînin."

Kermes ew ê heta 18ê Cotmehê berdewam bike

Karadeniz di daxuyaniya xwe ya destpêkê de derbarê saetên vekirina kermesê de agahî da û diyar kir ku kermes di saet 8:00ê sibê de vedibe, heta saet 10:00ê şevê dikare were ziyaretkirin. Wî her wiha got ku pêşangeh ew ê heta 18ê Cotmehê berdewam bike. (ÎLKHA)