Walîtiya Stenbolê ragihand ku ji dema ku Midûriyeta Giştî ya Meteorolojiyê di sala 1942an de dest bi pîvandinê kiriye, herî zêde baran lê bariye, li Beykozê 261 kîlogram baran li ser her metrekareyekê bariye.

Ji ber barana zêde 46.597 personel hatin wezîfedarkirin û 2.722 welatî hatin rizgarkirin. Li seranserê bajêr 16 rê ji bo trafîkê girtî ne û li 14 cihan operasyonên rizgarkirinê yên biçûk berdewam dikin.

Walîtiya Stenbolê derbarê xebatên piştî barana zêde ya ku bandor li tevahiya bajêr kir de daxuyaniyek çapemeniyê da. Di daxuyaniyê de hat destnîşankirin ku xebat di bin hevrêziya Walîtiyê de û bi beşdariya hemû sazî û rêxistinan tê meşandin.

46.597 personel beşdar bûn

Hat ragihandin ku AFAD, Şaredariya Bajarê Mezin a Stenbolê, şaredariyên navçeyan, Fermandariya Artêşa 1emîn, Polês, Cenderme, Parastina Peravan, Heyva Sor û hemû sazî û rêxistinên peywendîdar di bin koordîneya Walîtiya Stenbolê de li qadê nobedariyê dikin.

Hat ragihandin ku bi tevahî 46.597 personel, ji wan 8.597 personelên rizgarkirinê û 38.000 personelên piştgiriyê, di operasyonan de beşdar bûne.

2 hezar û 722 welatî hatin rizgarkirin

Di daxuyaniyê de hat destnîşankirin ku 2 hezar û 722 welatî li seranserê Stenbolê bi karanîna qeyikan û wesayîtên cûda hatine rizgarkirin, û operasyonên rizgarkirinê yên piçûk li 14 cihan berdewam dikin.

Hat ragihandin ku li hemû 39 navçeyên Stenbolê, welatiyên ku hewcedarê stargehê ne, di bin hevrêziya parêzgariyên navçeyan de li deverên ewle hatine bicihkirin û pêdiviyên wan ên xurekî ji aliyê Heyva Sor a Tirkiyeyê ve hatine temînkirin. (ÎLKHA)