Li navçeya Gulnara Mêrsînê mînîbûsa ku karker di nav de bûn û wesayîtek li hev qelibîn, di encama qezayê de 3 kesan canê xwe ji dest dan, 12 kes jî birîndar bûn.

Li gorî agahîyên ku hatine bidestxistin, mînîbûsa bi plaqeya 33 KEZ 10 ya ku di bin îdareya Avnî Altinyazar de bû, li nêzê gundê Demîrozuyê bi wesayîta bi plaqeya 33 ACS 612 ya ku di bin îdareya Mustafa Cîn de bû re li hev qelibîn.

Li ser xeberdayîna mirovên derdorê ji herêmê re ekîbên cenderme, tenduristî û îtfaîyeyê hatin sewqkirin.

Ekîbên tenduristîyê, îfade kirin ku Hasan Cîn ku di nav wesayîtê de bû li cîhê bûyerê canê xwe ji dest da. Şofêrê wesayîtê Mustafa Cîn, Mehmet Perçemlî û 12 kesên ku di nav mînîbûsê de bûn jî birîndar bûn. Mirovên birîndar bi ambûlansan ji Nexweşxaneya Dewletê ya Gulnarê re hatin rakirin.

Hat îfadekirin ku ji birîndaran Mustafa Cîn û Mehmet Perçemkî li nexweşxaneyê digel temamê midexeleyan canê xwe ji dest dan.

Derheqê qezayê de tehqîqat hat destpêkirin. (ÎLKHA)