Alîkarê Serokê HUDA PARê û Parlamenterê Êlihê Serkan Ramanli li navçeya Şemzînanê ya Colemêrgê bi nûnerên rêxistinên civakî yên sivîl, pêşengên raya giştî, muxtarên gundan, esnaf û xelkê herêmê re civiya û li pirsgirêk û daxwazên navçeyê guhdarî kir.

Ramanliyê ku bernameya xwe ya Şemzînanê bi civîneke giştî dest pê kir, derbarê çalakiyên partiyê de agahî da û goh da pirsgirêk û daxwazên welatiyan.

Ramanli diyar kir ku pirsgirêk û daxwazên ku ji hêla gel ve hatine vegotin hatine qeydkirin, û ew ê ji bo dîtina çareseriyan bi saziyên peywendîdar re civînan li dar bixin û pêvajoyê bişopînin.

Di çarçoveya bernameyê de, Ramanli û şandeya pê re serdana Dibistanên Navçeyî yên Quran ên Hezretî Elî û Seyît Taha û Dibistanên Navçeyî yên Keçan ên Hezretî Eyşe kirin û bi xwendekar û mamosteyan re civiyan.

Ramanli li navenda navçeyê serdana dikandarên bajêr jî kir, bi welatiyan re sohbet kir û li pirsgirêk û hêviyên dikandarên bajêr gohdarî kir.

Piştî serdana xwe ya bo karsaziyên herêmî, Ramanli çû Komeleya Serokên Gund û Taxan û bi wan re civiya. Di civînê de, serokan fikarên xwe yên li ser kêmasiyên di rê, binesaziyê, nexweşxane û ofîsên qeymeqamtiyê de anîn ziman û daxwaz kirin ku ev pirsgirêk ji Meclîsê re werin raberkirin.

Ramanli diyar kir ku ew ê daxwazên muxtarên gundan û welatiyan ji saziyên pêwendîdar re ragihînin, û derbarê xebata ku ew ji bo çareserkirina pirsgirêkan dikin de nirxandin kirin.

Ramanli diyar kir ku ew pirsgirêkên di rojeva welatiyan de destnîşan dikin û li çareseriyan digerin.

Ramanli diyar kir ku wan daxwazên gel qeyd kirine û di civînên bi wezîran, rêvebirên giştî û dema ku pêwîst bû bi Serokkomar re jî, mijarên têkildar anîne ziman.

Ramanli destnîşan kir ku ew pirsgirêkên ku di asta rêveberiyê de nayên çareserkirin, dereng dimînin, an jî ji ber nebûna ragihandinê nikarin werin dawîkirin, tînin rojeva Parlamentoyê. (ÎLKHA)