Zekerîya Yapiciogluyê Serokê Giştî yê HUDA PARê di “Komxebata Çareserîya Însanîya ji bo Meseleya Kurd” a ku partîya wî li dar dixe de peyivî û got, “Divê em meseleya xwe bi rêya aştîyê di bingeha edaletê de çareser bikin. Ji ber ku encama pirsgirêkê bêçareser mayî; erdnîgariyek nerehet ku ji mudaxeleyên emperyalîst, nifşên windabûyî û hilweşîna aborî re vekirî bûye.”

Serokê Giştî yê HUDA PARê Zekeriya Yapicioglu li Diyarbekirê di vekirina " Komxebata Çareserîya Însanîya ji bo Meseleya Kurd " a ku ji teref Serokatiya Daîreya Mafên Mirovan û Karên Hiqûqî ya partiya xwe ve hat lidarxistin de axivî.

Yapicioglu bal kişand ser navê komxebatê û got ku tu çareseriyeke ne însanî realîst û mayînde nabe.

“Lihevkirinek heye ku divê ev pirsgirêk bê çareserkirin”

Yapicioglu bal kişand ku meseleya Kurd zêdeyî 100 salî li benda çareserîyê ye û wiha dewam kir, “Ji bo hinekan meseleya Kurd bi tenê meseleya teror, tundî û nîzama giştî ye. Li gorî hinekan mesele ew e ku herêmên ku Kurd lê dijîn, di warê aborî de ne pêşketî ne û bi têra xwe ne pêşketî ne. Li gorî hinekan esasê meseleyê înkarkirina hebûna kurdan û zilma ku di pêvajoya dîrokî de hatiye kirin e. Li gor hinekan, ji ber ku ew ji Îslamê dûr ketine biratî zirar dîtiye ku bingeha biratiya du eşîrên cuda ye ku ji dema hatina tirkan ya Anatodîyê hezar sal berê, bi biratî dijîn. Di encamê da; Her çend nêrînên li ser sedema meseleyê û çareseriyan cuda bin jî, lihevhatinek heye ku pirsgirêk heye û divê ev pirsgirêk bê çareserkirin.”

“Ew ê ne tenê li ser brandayên li wê derê bin, em ê wan di kitêban de çap bikin”

Yapicioglu, diyar kir ku wê di komxebata du rojan de derheqê çareseriya pirsgirêkê de fikr û pêşniyarên xwe parve bikin û wiha got:

“Bi hêviya ku em hemû hewlên xwe bidin ku ji van fikir û pêşniyarên hatine eşkerekirin fêde werbigirin. Ew ê ne tenê li ser brandayên li wê derê bin, em ê wan di kitêban de çap bikin. Em ê ne tenê jê sûd werbigirin, em ê hewl bidin ku hemû hewlên xwe bidin da ku raya giştî û hemû aliyên ku di vê mijarê de cih digirin jî jê sûd werbigirin.

Helbet ev mijar xwedî aliyên siyasî, civakî û heta navneteweyî ye. Lê di diyarkirina navê bi vî rengî de jî peyamek heye. Ev peyam ev e; Her çareseriyeke ku ne însanî ye, ne realîstîk û ne jî mayînde ye. Divê êdî wext bi tedbîrên demborî neyê windakirin, divê em dev ji wêjeya biratiyê ya safî berdin û hiqûqa wê bi cih bînin.”

Serokê Giştî yê HUDA PARê Zekeriya Yapicioglu bi bîr xist ku wan 7 sal berê li Mala Mamosteyan a Diyarbekirê civîna çapemeniyê li dar xistibûn û wiha dewam kir:

“Ji ber ku hatibû ragihandin ku beriya vê di meha Hezîranê de wê hilbijartinên pêşwext bên kirin, tiştên ku me di wê civînê de got, piltgirîya ku heq dikir, negirt. Dîsa li wê derê min got: 'Yekitiya dîrokî ya Kurdan a bi birayên xwe yên Tirk ên Misilman re, çerxa dîrokê guhertiye. Di sala 1071an de bi yekitiya Manzikertê re deriyên fetha Anatodîyayê hatin vekirin. Bi yekitiya sala 1514an re rê li ber yekitiya hejmareke girîng a eşîrên din ên Îslamî vebû. Di sala 1915an de bi yekîtiyê re deriyên Çeneqele û Anatodîyayê ji emperyalîstên Rojava re hatin girtin. Ev xalên şikandina dîrokê bûn.

Kurd ne kirêdar û ne koçber in, xwediyên vî welatî ne û yek ji damezrînerên dewletê ne. Kurdên ku bi sedsalan bi eşîrên din ên Misilman re biratî jiyan kirin, piştî ku fikra netew-dewletê belav bû, nasname û hebûna wan hat înkarkirin, wek pirsgirêk hatin dîtin. Paşê hebûna wan hate qebûlkirin û çareseriyek ji meseleyê re hate xwestin, lê ji ber ku pirsgirêk rast nehat binavkirin, kêşeya ku ji ber ku rêgezên rast nehatin bikar anîn, nehat çareser kirin, kûrtir bû û karakterek navneteweyî wergirt û ji ber vê yekê çareserî her ku çû aloztir û dijwartir bû. Di encama hewldanên neserkeftî de her çendî rê û rêbaz bihata sererastkirin jî, dîsa dest bi înkarkirina hebûna pirsgirêkê hat kirin an jî hat îdiakirin ku her tiştê ku divê were kirin hatiye kirin û mesele çareser bûye. Pirsgirêk neqediyaye, berdewam dike. Pirsgirêka me ye, ya me hemûyan e û divê bê çareserkirin.

“Mesele ew e ku biratiya ku hiqûq tune ye û ji ber vê yekê di gotinan de dimîne, nikare pêk were ye”

Yapicioglu da zanîn ku ev mijar ne tenê meseleya kurdên xwedî nêrîneke siyasî ye an jî tenê netewa kurd e û wisa dewam kir, “Ev mijar bi rastî ev e 'Ez mirov im. Pirsgirêka her kesê ku dibêje 'ez alîgirê maf, edalet û mirovahiyê me' ye û divê her kes berpirsyariya xwe bi cih bîne. Dîsa wê rojê min mesele wiha vegot; “Mesele ew e ku biratiya ku hiqûqa wê tune ye û ji ber vê yekê di gotinan de dimîne, nikare pêk were. Ji ber dûrketina ji edaletê û paşguhkirina xalên hevpar, têkdana yekîtiyê ye.

Her kes qebûl dike ku divê ev pirsgirêk bê çareserkirin. Mecburîyetî bi îfadeyên weke yekîtî, biratî, xurtkirina eniya navxweyî an jî bi îfadeyên mîna wan tên îfadekirin. Bi rastî ew hemî heman tişt in. Divê em meseleya xwe bi rêya aştiyê û li ser esasê edaletê çareser bikin. Ji ber ku encama pirsgirêkê bêçareser mayî; erdnîgariyek nerehet e ku ji mudaxeleyên emperyalîst, nifşên bêserûber û hilweşîna aborî re vekirî ye.

Erdnîgariya ku Kurd lê dijîn jî navenda erdnîgariya ummetê ye. Dema ku pirsgirêk bê çareserî bimîne wê bandoreke neyînî li hemû herêmê bike û çareseriyeke adil hem herêmê û hem jî li tevahiya erdnîgariya Îslamê rehet bike. Divê êdî çareserî neyê paşxistin. Ger tahkîk, tetkîk, tehlîl û teşhîs rast were kirin, dermankirin hêsan e, ger em nikaribin van rast bikin, pirsgirêk dibe gangrenoz. Bê guman çareserî pêkan e. Du tiştên ku em ji bo çareseriyê hewce ne ev in: Jidilbûn û îrade. Ger ev yek bibe, em dikarin pirsgirêka xwe bi hêsanî çareser bikin. Hergê em di xwestina xweda dilpak bin, ku emrê Xwedê ye, gelek ders hene ku em dikarin ji wir hîn bin. Heger em tiştên ku Pêxember Hezretî Muhammedê Resûlê Xwedê eleyhîsselam kiriye û gotiye fêm bikin û bi cih bînin, pirsgirêk dernakeve. Tişta ku em ji xwe re dixwazin, em ê ji birayê xwe re jî bixwazin û tiştê ku em naxwazin wekî me were kirin em ê ji birayê xwe re jî nekin. Mesele ewqas hêsan e.”

Yapicioglu di dawiya axavtina xwe de careke din spasiya hemû beşdaran kir û xwest ku bername bi feyde be. (ÎLKHA)