Wesayîteke ku li ser rêya Gumuşxaneyê ji kontrolê derket, ji bariyeran derbas bû û kete nav çem. Şofêra jin a ku di qezayê de birîndar bû, bi tena serê xwe ji wesayîtê derket.

Demên tirsnak li ser rêya Bayburt-Gumuşxaneyê hatin jiyîn. Di qezayekê de ku wesayîtek nekarî fetlê derbasî bibe û kete nav çem, şofêra jin bi zorê ji mirinê filitî.

Wesayît ji kontrolê derket û kete nav avê

Li gorî agahiyên ku bi rêya Xeta Nûçeyan a WhatsAppê ya ÎLKHAyê hatine şanidn, qeza derdora saet 17:00an de li ser rêya Bayburt-Gumuşxaneyê qewimî.

Li gorî agahiyan, wesayîta ku ji teref jineke 40 salî ve dihat ajotin, kontrola xwe winda kiriye û pêşî li bariyerên kêleka rê xistiye. Bi hêza lêdanê bariyeran ji cihê xwe rakirine û wesayît piştî ku ji wan derbas bûye, çend metreyan ketiye nav çem û serûbin bûye.

Ew bi tena serê xwe ji wesayîtê derket û alîkarî xwest

Şofêra birîndar, ku bi tena serê xwe ji wesayîta hilweşiyayî derket, ji rêwiyên din alîkarî xwest. Piştî ku şofêrên din ên li herêmê xeberê şandin, ji herêmê re ekîbên tenduristiyê bi lez û bez şandin cihê bûyerê.

Ekîban şofêr birin nexweşxaneyê

Piştî tedawîya ewil a li cihê bûyerê, jina birîndar bi ambulansê ji bo dermankirinê birin Nexweşxaneya Dewletê ya Gumuşxaneyê. Hat hînbûn ku rewşa giştî ya tenduristiya şofêr tê şopandin, û hêzên ewlehiyê lêpirsînek berfireh li ser qezayê dane destpêkirin. (ÎLKHA)