ناوەندی بانگەوازی و گەنجایەتی بە بۆنەی شەوی قەدر لە دیاربەکر بەرنامەی زیافەتی قورئانی رێکخست.

ناوەندی بانگەوازی و گەنجایەتی بە بۆنەی شەوی قەدر کە شەوی نازیلبوونی قورئانی کەریمە لە دیاربەکر بەرنامەی زیافەتی قورئانی رێکخست.

بەرنامەکە بە بەشداری قورئانخوێنەکان حافیز سوفیان عبدالقادر جرجیس و سەنگەر عبدالقادر حەمەدەمین لە مزگەوتی دیجلەکەنتی دیاربەکر بەڕێوەچوو.

بەرنامەکە دوای نوێژی تەراویح بە خوێندنی قورئانی کەریم لە لایەن حافیز سوفیان عبدالقادر جرجیس و سەنگەر عبدالقادر حەمەدەمین دەستی پێکرد.

"خوای گەورە بە قورئان خۆی بیری هێناینەوە، بەتایبەتی لەم شەو و لە هەموو شەوەکاندا"

دوای خوێندنی قورئانی کەریم و پێشکەشکردنی سروودەکان، لێکۆلینەر مامۆستا زەکەریا گەزەر وتارێک لەبارەی گرنگی شەوەکە پێشکەش کرد.

ناوبراو لە سەرەتای وتارەکەی باس لە هەڵوێستی مرۆڤ لە بەرامبەر نیعمەتەکانی کە پێدراوە کرد و وتی، "لەم شەوەدا کە فریشتەکان وەک مرۆڤ دێنە سەر زەوی، دەبێت هەموو کەسێک پرسیار لە خۆی بکات دەربارەی بوونی خودا. لە کاتێکدا دەنگی قورئان لە هەموو گەردووندا دەنگ دەداتەوە، ئەگەر قورئان لە دڵی مرۆڤدا لێنەدات و هەست بە خۆی نەکات، مانای وایە ئەو کەسە دوورە لە خوای گەورە. کەی مرۆڤ پرسیار ناکات لە کوێیە لە کاتێکدا هەمووان پێویستیان بەو خاوەن موڵکە هەیە؟ هەر بۆیە قورئانی پیرۆز دەفەرموێت مرۆڤ بێ منەتیە بەرامبەر بە پەروەردگارەکەی. کاتێک مرۆڤ دەکەوێتە ناو بێباکییەوە، خوای گەورە خۆی بیردەخاتەوە، بەتایبەتی لەم شەودا و لە هەموو شەوەکاندا، بە قورئان."

"خودا قورئانی لە شەوی قەدر نارد بۆ ئەوەی پێمان بڵێت 'بە خەوتنی شەو ناتوانن منی یاد بکەن"

مامۆستا گەزەر ئاماژەی بەوە کرد کە عادەتی قورئانخوێندن لەناو کۆمەڵگا کەم بووە و وتی، "کاتێک تەماشای پێغەمبەر علیه الصلاة و السلام دەکەین دەبینین کە خوێندن و نووسینی نەیدەزانی و خودا فەرمانی کرد، 'بخوێنە.' خودا خۆی بە پێغەمبەرەکانی ناساند. خودا لە خوێنهێنەری گەرو نزیکترە لە مرۆڤەکان بەڵام ئایا ئێمە نزیکی خودایین؟ نازانین. ئەو کەسەی خودای لەبیرکردووە تیروانینەکەی لەبیر کردووە. بۆیە پێغەمبەری خودا دەفەرموێ، 'یا رەبی! قەومەکەم قورئانی لەبیر کرد.' بەڵام خودا مرۆڤەکانی وەک ئەشرەفی مەخلوقات خەلق کردووە."

هەروەها وتی، "قورئان کتێبێک نییە کە تەنها بۆ ئەوەی بخوێنرێت و پاداشت وەربگیرێت. وەحیێکە پەروەردگاری جیهانیان ناردوویەتی. کتێبێکە لە زیاتر لە ٦ هەزار ئایەت پێکهاتووە و رێگای ژیانمان پێنیشان دەدات. بەڵام ئێمە خودامان لەبیر کرد. ئێمە کاتێک شەو دەخەوین لە سەرەتا خودامان لەبیرکرد. بۆیە خودا قورئانی لە شەوی قەدر نارد بۆ ئەوەی پێمان بڵێت 'بە خەوتنی شەو ناتوانن ئێمەی یاد بکەن."

"ئەو قورئانەی کە بۆی ژمارەیەکی زۆر گیان فیدا کران..."

زەکەریا گەزەر لە بەردەوامی وتی، "خودا ئێمەی بۆ تێکۆشانی بەندایەتی خەلق کرد. بەندایەتی ناوی تێکۆشانی ژیان بە پێی خۆشنوودی خودایە. ئێمە بەم شتە دەڵێین تەوحید. ئەو رێگایەی بە پێغەمبەر ناردراوە و بە قورئان نەخشەی بۆ دانراوە رێگای تەوحیدە. قورئان دەبێت رێگای ژیانمان نیشان بدات بەڵام ئێمە ناخوێنین، لە رەمەزانەوە تاوەکو رەمەزان دەخوێنین؛ بەس نییە. ئەو قورئانەی کە بۆی ژمارەیەکی زۆر گیان فیدا کران. سەحابییەکانی پێغەمبەر، تابعین، ئەولیاکان، زانایان، شەهیدەکان و هەموو شوێنکەوتووەکانی قورئان بۆ فەرماندەکانی پەروەردگار هەموو شتێکیان فیدا کرد. بەڵام ئێمە تەنها بۆ ئەوەی سەواب بێت لە خانووکەمان داناوە."

"ئەشەو بۆ گەڕانەوە بە لای پەروەردگاری جیهانەکان لاپەڕەیەکی نوێ بکەینەوە"

گەزەر لە بەردەوامی ئاماژەی بەوە کرد کە دەبێت ئەم شەوە وەک دەرفەتێک سوود لێوەربگرین و وتی، "ئەمشەو هەموومان عەیب و کەموکوڕیەکانمان دەخەینە بەردەم پەروەردگارمان. پەنای بە رەحمەتی خودا ببەین. ئەمشەو گوناهەکانمان و کەموکوڕیەکانمان هەرچی بێت بە سەجدە وازی لێبهێنین و بۆ گەڕانەوە بە لای پەروەردگاری جیهانەکان لاپەڕەیەکی نوێ بکەینەوە. ئەگەر مرۆڤ لە رێگای خودادا بچێت بە هەمان شێوەیەی حەزرەتی یوسفی لە بیرەکە دەرێنرا، مرۆڤی لە تاریکیەوە بەرەو رۆناکی دەبات. خودا پێش لەوەی پلەی بەرز بکات لە سەرەتا تاقی دەکاتەوە. حەزرەتی یوسف بوێری ئەوەی هەبوو بچێتە خوارەوە و خۆشەویستییەکەی بەرەو ئاسمان بەرزبووەوە. حەزرەتی عیسا بە لەدایکبوون بە بێباوک تاقی کرا، خودا پاداشتی پێ دایەوە، ئەوی تەنها نەیهشت. هەر پێغەمبەرێکی بە شێوەیەکی جیاواز تاقی کردەوە. ئەو کەسانەی وەک حەزرەتی ئیبراهیم بوێری رووبەرووبوونەوەی ئاگر نیشان نەدەن ناتوانن سەڵامەتی ناو ئاگردا ببینن. ئەوانەی بوێری چوونەوە بۆ ناو بیر نیشان نەدەن ناتوانن وەک حەزرەتی یوسف مەقام بەدەستبهێنن. ئەوانەی وەک حەزرەتی موسا خۆیان رادەستی خودا نەکەن ناتوانن رێگای وشک لە ژێر ئاودا ببینن."

مامۆستا زەکەریا گەزەر لە کۆتاییدا وتی، "خودا زیاتر لە عیبادەتەکانی بە تەنهایی ئەنجام دەدرێن عیبادەتەکانی کە لە مزگەوتەکان بە جەماعەت ئەنجام دەدرێن خۆشدەوێت. خودا پێکەوەبوونی بەندەکانی زیاتر خۆشدەوێت. ئەی گەنجەکان تەنهاییتان رێگا بۆ شەیتان و گوناهەکان خۆشدەکات. دوژمنەکانمان لە سەر تەنهاییمان پڕۆژە ئامادە دەکەن. واز لە تەلەڤیزیۆن، تەبلێت و تەلەفۆن بهێنن و وەک ئەمشەو بەرەو مزگەوتەکان بچن. نەک تەنها لە شەوی قەدر لە هەموو شەوێکدا کە دەرفەت بۆتان ڕەخسا بچنە مزگەوتەکان. پەروەردگارمان مزگەوتەکان وەک ناونیشانێک پێشانمان دەدات. بەڵێ، دەبێت بخۆین، بخۆینەوە و بژین بەڵام هۆکاری بوونمان شتێک نییە جگە لە خۆشنوودی خودا."

بەرنامەکە بە ئەنجامدانەوەی دوعا لە لایەن موجاهید ئیلەری کۆتایی هات.(İLKHA)