وەقفی ئەڤیندارێن بە بۆنەی جەژنی رەمەزان پەیامێکی بڵاو کردەوە و داوای کرد کە ببێتە وەسیلەی خێر بۆ ئوممەتی ئیسلام.

عومەر چەلیک ئەندامی دەستەی بەڕێوبەرایەتی وەقفی ئەڤیندارێن پێغەمبەر لە سەر ناوی وەقفەکە پەیامەکەی خوێندەوە و وتی، "داوا دەکەین کە جەژنی رەمەزان ببێتە وەسیلەی خێر بۆ تەواوی ئوممەت و کۆتایی هاتنی داگیرکاری و کۆمەڵکوژی لە شارەکانی ئیسلام و دروستبوونەوەی بیری ئوممەتبوون لە نێوان مسوڵمانەکان."

"جەژنەکان ڕۆژی دووبارە دروستبوونەوەی بیری یەکێتی و یەکڕیزیە"

چەلیک لە بەردەوامی ئاماژەی بەوە کرد کە جەژنەکان کۆبوونەوەیە بە بیرێکی تەوحیدی دوای مانگێک ڕۆژوو وەک ئیفتارێکی بە کۆمەڵە و وتی، "گەشتینە جەژنێکی دیکەی رەمەزان. ئەگەر غەمگینیش بین دوای مانگێک بە ڕۆژوو، خوێندنی قورئان، عیبادەتەکانی نافیلە، زیکر و دوعا لە ناو خۆشحالی هاتنی جەژندایین. شایەد لەبەر ئەوەی ئەوەندەی پێویست سوودمان لەو کەشوهەوا مەعنەوییە وەرنەگرت و لێی جیا دەبین ناڕاحەت بین. بەڵام لەبەر ئەوەی بە ڕۆژوو بووین، تەراویحمان کرد، هەر کاتێکی مەعنەویمان بە عیبادەت تێپەڕاند لە ناو خۆشیدایین. لە ڕاستیدا جەژنەکان ڕۆژی دووبارە دروستبوونەوەی بیری یەکێتی و یەکڕیزییە. ئێمە پێمان وایە کە کۆمەڵگا تەنیا بە زیندووکردنەوەی ئەم دینامیکییە مەعنەوی بە باشترین شێوە، و ئەم ڕۆژە جوانانە، کە یەکێکە لە دروشمەکانی ئێمە، دەتوانێت لەسەر پێی خۆی بێتەوە؛ هەروەها پرۆسەیەکی شادی و یەکڕیزی و هەڵسوکەوتی پێکەوە."

چەلیک ئاماژەی بەوەدا کە "دروست نییە ئەم ڕۆژە جوانانەی جەژن بە ڕۆژانی پشوو بناسرێتەوە بە شێوەیەک کە دژایەتی کەشوهەوای ڕۆحییان بکات، و بکرێتە بەفیڕۆدانێک کە دژایەتی هاودەنگی و هاوکاری بکات" و وتی، "پێویستە بە تایبەتی سەردانی گەورەکانی خێزان و خزم و دراوسێ و هەژاران و کەمدەرامەتان بکرێت، پێویستە گەردەنئازایی لە یەکتر بکرێت و هۆشیاری بۆ تێپەڕاندنی کەشوهەوای مەعنەوی دروستبکرێت."

"لە غەززە هەموو ڕۆژێک کۆمەڵکوژیێکی نوێ ئەنجام دەدرێت"

چەلیک لە بەردەوامی باس لە کۆمەڵکوژی و جینۆسایدەکانی کە لە وڵاتانی ئیسلام بەردەوامە کرد و وتی، "لە غەززە و یەمەن و ژمارەیەکی زۆر شاری ئیسلام کارەساتەکانی گەورە کۆمەڵکوژییەکان، برسێتی، داگیرکاری و قەیرانەکانی مرۆیی بەردەوامن. ئازار و فرمێسک و دڵتەنگی بەسەر ئەم خەڵکە ستەملێکراوەدا دەسەپێنرێت. خۆشییەکانمان دەگۆڕدرێن بۆ خەم، ئازارەکانمان بۆ توڕەیی. ئێمە هاوبەشی خەم و پەژارەی ئەم خوشک و برا ستەملێکراوانەین، هەست بە شەرم دەکەین کە نەتوانین وەک پێویست هاوکارییان بکەین. سڵاو لە موجادەلەی شەرەفمەندانە و قارەمانانەیان، پیرۆزبایی شەهیدبوونیان لێدەکەین، هیوادارین هۆشیارییان لە جیهاد لە سەرانسەری جیهانی ئیسلامیدا بڵاوبێتەوە. لە خوای گەورە دەپاڕێینەوە کە ئەم جەژنە ببێتە ئامرازێک بۆ ئەوەی موجادەلەیان سەرکەوتوو بێت و داگیرکاری و کۆمەڵکوژییەکان کۆتایی پێبێت و ئازار و فرمێسکەکان بگۆڕن بۆ خۆشی."

چەلیک لە کۆتاییدا وتی، "ئێمە وەک وەقفی ئەڤیندارێن پێغەمبەر پیرۆزبایی جەژنی رەمەزانی هەموو خەلکەکەمان دەکەین. داوا دەکەین کە جەژنی رەمەزان ببێتە وەسیلەی خێر بۆ تەواوی ئوممەت و کۆتایی هاتنی داگیرکاری و کۆمەڵکوژی لە شارەکانی ئیسلام و دروستبوونەوەی بیری ئوممەتبوون لە نێوان مسوڵمانەکان."(İLKHA)