زەکەریا یاپجیئۆغلو سەرۆکی گشتی هودا پار بەهۆی شەهادەتی خەلیلوڕەحمان حەقانی وەزیری کۆچ و گەڕاوەکانی ئیمارەتی ئیسلامی ئەفغانستان پرسەنامەیەکی بڵاوکردەوە.

زەکەریا یاپجیئۆغلو سەرۆکی گشتی هودا پار بەهۆی شەهادەتی خەلیلوڕەحمان حەقانی وەزیری کۆچ و گەڕاوەکانی ئیمارەتی ئیسلامی ئەفغانستان لە ئەنجامی هێرشێکی تیرۆری لە کابولی پایتەختی وڵاتی ئەفغانستان پرسەنامەیەکی ئاراستەی حکومەتی وڵات کرد و بە توندی ئیدانەی هێرشەکە کرد.

تەواوی دەقی پرسەنامەی زەکەریا یاپجیئۆغلو سەرۆکی گشتی هودا پار:

"بسم الله الرحمن الرحیم

'ئەو کەسانەی کە تووشی چۆرتمێک دەبن ئێژن: ئێمەش هەر ئی خواین و هەر بۆ لای ئەو دەچینەوە.'

بە غەمگینی هەواڵی هێرشیکی تیرۆر بۆ سەر وەزارەتی کۆچ و گەڕاوەکانی ئیمارەتی ئیسلامی ئەفغانستان پێم گەشت. بە توندی ئیدانەی ئەم هێرشە تیرۆرییە دەکەم کە مەبەست لێی لەناوبردنی سەقامگیری ئەفغانستانە.

من پێم وایە گەلی ئەفغانستان و ئیمارەتی ئیسلامی ئەفغانستان کە قارەمانانە بەرەنگاری هێزە ئیمپریالیستەکان بووەوە کە خاکی ئەفغانستانیان داگیرکرد و گەلەکەیان کۆمەڵکوژ کرد و سامانەکانیان بۆ ساڵانێک قۆستەوە و ئیمپراتۆریەتە کۆلۆنیالیزمەکەی کە لەلایەن ئیمپریالیستەکانەوە دامەزراندبوو لەناوبرد، پلانە نوێیەکان پووچەڵ دەکەنەوە.

لە خودا داوای رەحمەت بۆ تەواوی شەهیدەکانی هێرشەکە بە تایبەت خەلیلوڕحەمان حەقانی وەزیری ئیمارەتی ئیسلامی ئەفغانستان دەکەم. پرسە و سەرەخۆشی خۆم و حیزبەکەم ئاراستەی ئیمارەتی ئیسلامی ئەفغانستان، خانەوادەی شەهیدەکان، گەلی دۆست و برای ئەفغانستان دەکەم."

خەلیلوڕەحمان حەقانی وەزیری کۆچ و گەڕاوەکانی ئیمارەتی ئیسلامی ئەفغانستان کاتێک لە مەسجیدی وەزارەتەکە نوێژی دەکرد لە ئەنجامی هێرشێکی خۆکوژی شەهید بوو.

حەقانی بۆ ماوەی چەندین ساڵ لە ریزەکانی پێشەوە جەنگ جیهادی کردبوو و دوای ئازادیی وڵات لە ژێر داگیرکەری ئەمریکا و هێزەکانی ئیمپریالیست بەشداری لە حکومەتی نوێی وڵات کردبوو.(İLKHA)