سوپای داگیرکەر کۆمەڵکوژیێکی نوێ لە جیبالیای باکووری کەناری غەززە ئەنجام دایەوە و لە ئەنجامی هێرشەکەدا ٣٣ کەس شەهید بوون کە ١٣یان منداڵ بوون.

بە پێی راگەیەندراوی میدیاکانی خۆجێ، فڕۆکەکانی جەنگی داگیرکەر خانووی خانەوادەی ئالوشی لە ناوچەی جیبالیا بەلەد کردە ئامانج کە ئەندامانی خانەوادەکە و ئاوارەکان تێدا دەمان.

لە ئەنجامی هێرشەکەدا خانووکە بە گشتی ڕوخا و ٣٣ کەس شەهید بوون کە ١٣یان منداڵ بوون و ژمارەیەکی زۆر کەسیش بریندار بوون.

هێشتا ژمارەیەکی زۆر کەس لە ژێر باڵەخانە ڕوخاوەکەدا گیریان خواردووە و چالاکییەکان بۆ دۆزینەوە و رزگارکردنی بێ سەروشوێنەکان بەردەوامە.

سوپای داگیرکەر ئەمڕۆ بەیانی هێرشێکی دیکەی بۆ سەر گەڕەکی سەبرا لە باشووری کەناری غەززە ئەنجام دابوو و لە ئەنجامی هێرشەکەدا ٥ کەس شەهید بوبوون.

رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە بەردەوامە لە هێرش سەر کەناری غەززە و لە ئەنجامی هێرشەکاندا ٤٣ هەزار و ٥٥٢ کەس شەهید و ١٠٢ هەزار و ٧٦٥ کەسیش بریندار بوون و هێشتا هەزاران کەسیش بێ سەروشوێنن.(İLKHA)