سەهیۆنییەکانی داگیرکەر لە شاری بەیت لەحم لە باشووری کەرتی ڕۆژئاوا دار زەیتون و ترێ و بادەمی سەر بە فەلەستینییەکانیان بڕییەوە.

جەمال نەجارە، سەرۆکی شارەوانی شارۆچکەی نەحالین لە بەیت لەحم رایگەیاند، سەهیۆنییە داگیرکەرەکانی شارۆچکەی بێتار ئیلیت، سیاجەکەی زەوییەکی سەر بە فەلەستینییەکانیان لە ناوچەی عەین فاریس بڕیوە و نزیکەی ٤٠ داری زەیتون و ترێ و بادەمیان لەسەر زەوییەکە بڕیوەتەوە .

نەجارە باسی لەوە کرد کە داگیرکەران لە سەرەتای مانگی تشرینی دووەمەوە نزیکەی ١٢٠ داری فەلەستینییەکانیان بڕیوە.

راگەیەندرا کە هێرشەکان لە ژێر چاودێری سوپای داگیرکەردا ئەنجام دراون.

ئەنجوومەنی بەرەنگاربوونەوەی دیواری دابڕان و نیشتەجێبوونی جولەکەکان رایگەیاند، سوپای داگیرکەر و دانیشتوانی داگیرکەر لە مانگی تشرینی یەکەمدا ١٤٩٠ هێرشیان بۆ سەر فەلەستینییەکان ئەنجام داوە.

لە راگەیەندراوەکەدا ئاماژە بەوە کراوە کە لە کاتی هێرشەکاندا ١٤٠٠ دار بڕدراون یان لە ڕەگەوە هەڵکەندراون.

زیاتر لە ٧٢٠ هەزار سەهیۆنی داگیرکەر لە شوێنە نیشتەجێبوونەکاندا دەژین کە لەسەر زەوییە داگیرکراوەکانی فەلەستین لە کەرتی ڕۆژئاوا و قودسی داگیرکراو دروست کراون.

نەتەوە یەکگرتووەکان دەستبەسەرداگرتنی خاکی داگیرکراوی فەلەستین بە نایاسایی دەناسێت.(İLKHA)