لە ئەنجامی بۆردومانکردنی ناوچەکانی بەیت لاهیا، رەفەح و نوسەیرات لە لایەن رژێمی داگیرکەری سەهیۆنی لانیکەم ١١ کەس شەهید بوون و ژمارەیەکی زۆر کەسیش بریندار بوون.

بە پێی راگەیەندراوی میدیاکانی فەلەستین، رژێمی داگیرکەری سەهیۆنی ٢ ناوچەی لە ناوچەی بەیت لاهیا لە باکووری غەززەی بۆردومان کرد. لە ئەنجامی هێرشەکەدا ٩ کەس شەهید بوون کە لە ئەنجامی بۆردوومانێک بۆ سەر گروپێک فەلەستینی لە نزیکەی دەرگای نەخۆشخانەی کەمال عەدوان بۆ سەر گروپێک مەدەنی ئەنجام درا ٥ کەس شەهید بوون و لە ئەنجامی هێرشێکی دیکە بۆ سەر خانوویێک بۆ سەر شارۆچکەی بەیت لاهیا ٤ کەس شەهید بوون.

داگیرکەران هێرشێکی دیکەیان بە فڕۆکەی بێ فڕۆکەوان بۆ سەر شاری رەفەحیان ئەنجام دایەوە و لە ئەنجامی هێرشەکەدا کەسێکی دیکە شەهید بوو.

هەروەها باس لەوە کرا کە کچێکی دیکە کە لە ئەنجامی هێرشەکانی رژێمی داگیرکەر بۆ سەر کەمپی نوسەیرات بریندار بوبوو شەهید بووە. دەستنیشان کرا، خانەوادەی کچەکە لە ئەنجامی هێرشەکاندا شەهید بوبوو و تەنها برایەکی زیندووە ماوە کە ئەویش بریندارە.

لە ئەنجامی هێرشەکانی رژێمی داگیرکەری سەهیۆنی بۆ سەر کەناری غەززە لە ٧ی تشرینی یەکەمی ٢٠٢٣یەوە ٤٣ هەزار و ٦٦٥ کەس شەهید بوونەتەوە و ١٠٣ هەزار و ٧٦ کەسیش بریندار بوونەتەوە و هێشتا هەزاران کەس بێ سەروشوێنن.(İLKHA)