13 oC 
Güneşli
لە ئەنجامی هێرشەکانی رژێمی داگیرکەری سەهیۆنی بۆ باشوور و رۆژهەڵاتی لوبنان لانیکەم ٣١ کەس شەهید بوون و دەیان کەسیش بریندار بوون.
رژێمی داگیرکەری سەهیۆنی بێ راوەستان بەردەوامە لە هێرش و کۆمەڵکوژی لە لوبنان.
فڕۆکە جەنگییەکانی رژێمی داگیرکەری سەهیۆنی هێرشیان کردە سەر خاڵێک کە کۆمەڵەی بەرگری شارستانی لە ناوچەی عەرەبسەلیم لە نەباتیە لە باشووری ئەو وڵاتە بەکاری دەهێنا. لە ئەنجامی هێرشەکەدا ٦ کەس کە ٤یان کارمەندی تەندروستی بوون شەهید بوون و ژمارەیەکی زۆر کەسیش بریندار بوون.
وەزارەتی تەندروستی لوبنان رایگەیاند، لە ئەنجامی هێرشی سەر قەزای شەعب لە بەعلبەک لە ڕۆژهەڵاتی لوبنان، ٨ کەس شەهید بوون کە ٥یان ئافرەت بوون و ٢٧ کەسیش بریندار بوون.
دەستنیشان کرا، لە ئەنجامی کردنە ئامانجی ماڵێک لە شاری سوور لە باشووری وڵات ٥ کەس شەهید بوون و ٧ کەسیش بریندار بوون.
لە هێرشی ئاسمانی بۆ سەر ناوچەی قەنا لە سوور ٢ کەس شەهید بوون. لە ئەنجامی هێرش سەر نەباتیە لە باشووری لوبنان ٤ کەس شەهید بوون.
لە ناوچەی حەسبەیا سەر بە نەباتیە کەسێک و لە ناوچەی بەیاد ٤ کەسیش کە ٣ کەسیان سوری بوون گیانیان لە دەست دا.
لە دەڤەری بازالیەی بەعلبەک لە ڕۆژهەڵاتی وڵات لە هێرشێکی ئاسمانیدا بۆ سەر ماڵێک کەسێک شەهید بوو.
فڕۆکە جەنگییەکان مزگەوتی ناسر سەلاحەدینیان لە نزیک سور کردە ئامانج و وێرانیان کرد.
لە کاتێکدا هەوڵەکانی گەڕان و ڕزگارکردن لە ناوچە هێرشکراوەکان بەردەوامە، نیگەرانی ئەوە هەیە کە ژمارەی شەهیدان و بریندارەکان زیاد بکات.
بەپێی ئامارەکانی وەزارەتی تەندروستی لوبنان، لەگەڵ دوایین هێرشەکان، ژمارەی شەهیدانی لوبنان لە ٨ی تشرینی یەکەمی ٢٠٢٣ەوە بۆ ٣ هەزار و ٣٨٦ شەهید زیادی کردووە.
نزیکەی یەک ملیۆن و ٥٠٠ هەزار کەس لە ناوخۆی وڵاتدا بەهۆی هێرشەکانەوە ئاوارە بوون.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە شاری زاراگۆزای وڵاتی ئیسپانیا بەهۆی دەرکەوتنی ئاگر لە خانووی بەساڵچووان ١٠ کەس گیانیان لە دەست دا.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە لە ٧ی تشرینی یەکەمەوە ٤٣ هەزار و ٧٦٤ کەس گیانیان لەدەستدا و ١٠٣ هەزار و ٤٩٠ کەسیش بریندار بوون.
وەزارەتی بەرگری ئەمریکا راگەیاند کە خۆکوژی لە نێوان سوپای وڵاتدا زیادی کردووە و ئەمەش نیشان دەدات کە پێنتاکۆن لە کۆنترۆلکردنی خۆکوژی لە نێوان هێزەکانی سەربازی یان کەمکردنەوەکەی ناکام ماوە.
دامەزراوی گشتی کاروباری مەدەنییەکان، ئەنجومەنی کاروباری ئەسیران و ئازادکراوەکان و یانەی ئەسیرانی فەلەستین راگەیاند کە لە زیندانەکانی داگیرکەران ٢ ئەسیر شەهید بوون.
