لە پارێزگای بەدەخشانی وڵاتی ئەفغانستان ئۆتۆمبێلێک کەوتە ناو ڕووبار و لە ئەنجامی رووداوەکەدا ٦ کەس گیانیان لە دەست دا.

رووداوەکە کاتێک ئۆتۆمبێلەکە بەرەو شاری فایزئابادی ناوەندی پارێزگاکە دەچوو رووی دا.

بە پێی راگەیەندراوی دایرەی راگەیاندن و کەلتووری پارێزگاکە، لە ئەنجامی کەوتنی ئۆتۆمبێلەکە بۆ ناو رووباری کۆکچە لانیکەم ٦ کەس گیانیان لە دەست دا.

دوای رووداوەکە هاوڵاتیان و تیمەکانی فڕیاگوزاری چوونەتە ناوچەکە و هەوڵیان دا کە ئەو کەسانەی لە ناو ئۆتۆمبێڵەکەدانە رزگار بکەن.

هەفتەی رابردوو رووداوێکی بە هەمان شێوەیە لە هەمان ناوچەکە رووی دابوو و ٨ کەس گیانیان لە دەست دابوو.(İLKHA)