وەزارەتی بەرگری ئەمریکا راگەیاند، لە سوریا ٢ هەزار سەربازی ئەمریکا هەن. ئەم ژمارەیە زۆر زیاترە لە ئامارەکانی رابردوو کە دەگوترا ٩٠٠ سەربازی ئەمریکا لە سوریا هەیە.

جەنەرال پات ریدێر وتەبێژی وەزارەتی بەرگری ئەمریکا (پنتاگۆن) راگەیاند، ١١٠٠ سەرباز بۆ ماوەی نێوان ٣٠ ڕۆژ تاوەکو ٩٠ ڕۆژ لە ناوچەکە ئەرکدار دەبن.

جگە لەم سەربازانە ٩٠٠ سەربازی دیکەی ئەمریکا لە سوریا هەن کە بە شێوەی بەردەوامی لەوێن و کاتی ئەرکەکەیان لە نێوان ٩ تاوەکو ١٢ مانگ دەگۆڕێت.

ئەمریکا بە بەهانەی بوونی داعش رادەگینێت کە سەربازەکانیان بەردەوام دەبن لە مانەوە لە سوریا.(İLKHA)