بەهۆی ئاگرەکەی لۆس ئەنجلس کە بووە هۆی وێرانییێکی گەورە ٢٤ کەس گیانیان لەدەستداوە.

بە پێی راگەیەندراوی پزیشکی دادی لۆس ئەنجلس، ٨ کەس لە پالیسادێس و ١٦ کەسیش لە ئیاتۆن مردوون.

ئاگرەکەی ناوچەی پالیسادێس کە گەورترین ئاگرەکە شارەکە لە ڕۆژی سێشەممەوە بووە هۆی سووتانی نزیکەی ٢٣ هەزار ٧٠٠ دۆنم (نزیکەی ٩٦ کیلۆمەتری چوارگۆشە) و سووتانی زیاتر لە ٥ هەزار و ٣٠٠ خانوو. تیمەکان تەنها توانیانە لە سەدا ١١ی ئاگرەکە کۆنترۆل بکەن.

ئاگرەکەی ناوچەی ئیاتۆن لە نزیکەی ناوچەکانی ئالتاندەنا و پاسادێنا زیاتر لە ١٤ هەزار و ١٠٠ دۆنم (نزیکەی ٥٧.١ کیلۆمەتری چوارگۆشە) سووتاوە و تاوەکو ئێستا تەنها نزیکەی لە سەدا ٢٧ ئاگرەکە کۆنترۆل کراوە.

لە ڕۆژی یەکشەممەوە بە کۆی گشتی زیاتر لە ١٢ هەزار و ٣٠٠ خانوو ڕوخاون و زیاتر لە ١٠٠ هەزار کەس چۆڵکراون.

تیمەکان بەردەوامن لە هەوڵەکانی کۆنترۆلکردنی ئاگرەکە و پێدەچێت تاوەکو شەوی چوارشەممە ئاگرەکە توندتر بێت. ئەم رەوشەی هەوڵەکانی کۆنترۆلکردنی ئاگرەکە دژوار دەکات.

ئەنتۆنی مارۆن، بەرپرسی ئاگرکوژێنەوەی لۆس ئەنجلس رایگەیاند، ئەو بایانە لەگەڵ شێداری کەم و ڕووەکی زۆر وشک، مەترسی ئاگرکەوتنەوە لە ناوچەی لۆس ئەنجلس بەرز دەکاتەوە.(İLKHA)