لە ئەنجامی هێرش و گەماڕۆی رژێمی داگیرکەری سەهیۆنی بۆ سەر شاری جەنینی کەرتی ڕۆژئاوای داگیرکراو لانیکەم ١٤ کەس شەهید بوون و ژمارەیەکی زۆر کەسیش بریندار بوون.

سوپای داگیرکەری سەهیۆنی لە ٥م ڕۆژدا بەردەوامە لە هێرش و گەماڕۆ سەر شاری جەنینی کەرتی ڕۆژئاوای داگیرکراو.

لە ئەنجامی هێرشەکانی داگیرکەران تاوەکو ئێستا ١٤ کەس شەهید بوون و دەیان کەسیش بریندار بوون. لە ئەنجامی هێرشەکاندا ژمارەیەکی زۆر خانوو خراپ کران و زیانێکی گەورە بە ژێرخانی شارەکە گەیێندرا.

هەروەها هێرش کرایە سەر هەنێک خانوو لە گوند و قەزاکانی جەنین و هەنێک خانوو گەماڕۆ درا.

لە هێرشەکانی سەر سیلات ئەلحەریسیە لە ڕۆژئاوای جەنین و مەیڵون و کەباتیە لە باشوور دوو گەنج شەهید بوون.

هەروەها بولدۆزەرەکانی داگیرکەر شەقامی یافایان تێکشکاند کە شاری جەنین بە گوندەکانی ڕۆژئاوا دەبەستێتەوە، هەروەها دەروازەی چوونە ژوورەوەی شارۆچکەکانی ئەلیامون و سیلات ئەلحەریسیەی ڕۆژئاوایان تێکشکاند.

هێزە داگیرکەرەکان دەستیان بە جەنجاڵییەکی بەرفراوانی دیلگرتن کرد کە کاریگەری لەسەر ژمارەیەکی زۆر لە هاوڵاتیانی گەڕەک و ماڵەکانی کەمپی جەنین هەبوو.

میدیا ناوخۆییەکان بڵاویانکردەوە کە بولدۆزەرەکانی داگیرکەر ماڵی زۆرێک لە هاوڵاتیانیان لە بەشی باشووری ڕۆژئاوای کەمپەکە وێران کردووە و سووتاندووە.

لە کاتێکدا سوپای داگیرکەر بەردەوامە لە ناردنی هێزی سەربازی بۆ شاری جەنین و دەروازەکانی چوونە ژوورەوە بۆ کەمپەکە، بەڕێوەبەرایەتی تەندروستی فەرمانگەیەکی بڵاوکردەوە.

بەپێی ئەو فەرمانە، ئەو نەخۆشانەی دەرمانەکانیان لە سەنتەرەکەی جەنین وەرگرتووە، بەهۆی هێرشە توندەکانی ناو شارەکە و سەختی گواستنەوەیان، داوایان لێکراوە بچنە ناوەندەکانی بەڕێوەبەرایەتی لە قەزاکانی سەر بە شارەکە.(İLKHA)