13 oC 
Güneşli
بزووتنەوەی خۆڕاگریی ئیسلامی حەماس ڕاگەیاند، "نەتانیاهۆ بەرپرسیارە لە چارەنووسی دیلەکان و سیاسەتە تاوانکارییەکانی هیچ ئەنجامێکی نابێت."
بە پێی هەواڵێکی ناوەندی ڕاگەیاندنی فەلەستین، بزووتنەوەی خۆڕاگریی ئیسلامیی حەماس لە بەیاننامەیەکدا ڕایگەیاند کە بەردەوامیی هێرشی دڕندانەی سوپای داگیرکەری سەهیۆنی بۆ سەر شاری غەززە، لە ڕێگەی بۆمبارانکردنی گەڕەکە نیشتەجێبووەکان، ڕووخاندنی تاوەرەکان و ئاوارەکردنی زۆرەملێی هاووڵاتیانی مەدەنی، تاوانێکی تەواوەتییە لە چوارچێوەی جینۆساید و پاکتاوی نەژادیدا. ئەم هێرشانە لە کاتێکدا بەردەوامن کە شکست و لاوازیی نێودەوڵەتی لە ڕاگرتنیاندا ئاشکرایە و هیچ ئیرادەیەکی پتەو بۆ سزادانی ئەنجامدەران بوونی نییە.
حەماس جەختی کردەوە کە رژێمی سەهیۆنی بە پشتیوانی لە کوشتار و برسیکردن و وێرانکاری، هیوای بە ملکەچکردنی گەلی فەلەستین بەستووە، بەڵام ئەم سیاسەتانە لە ماوەی دوو ساڵی دەستدرێژیدا شکستیان هێناوە و جارێکی دیکەش شکست دەهێننەوە، چونکە گەل و خۆڕاگریی فەڵەستین بەردەوام دەبن لە بەرگریکردن لە خاک و مافەکانیان بە هەموو ئامرازە بەردەستەکان و داگیرکەران باجی تاوانەکانیان دژی منداڵان، ژنان و هاووڵاتیانی سڤیل دەدەن.
بزووتنەوەکە ئەوەشی زیاد کرد کە "تاوانباری جەنگ نەتانیاهۆ، کە لەژێر لێپرسینەوەی دادگای تاوانی نێودەوڵەتیدایە، بەرپرسیارێتی تەواوی چارەنووسی سەربازە دیلەکانی لە غەززە لە ئەستۆدایە و سیاسەتە تاوانکارییەکانی بۆ وەرگرتنەوەیان لە ڕێگەی کوشتار و بۆمباران و وێرانکارییەوە بە هیچ شێوەیەک سەرکەوتوو نابێت."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئیسرائیل کاتز بەناو وەزیری بەرگری رژێمی سەهیۆنی شانازی بە هێرشەکانی داگیرکاری کرد و وتی، "غەززە دەسووتێت." لە هەمان کاتدا بنەماڵەی ئەسیرەکان نەتانیاهۆیان تۆمەتبار کرد بەوەی کە بە ئاگاداری خۆیان بە درێژەدان بە هێرشەکان ئازیزانیان بۆ مەرگی خۆیان ناردووە.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٤ هەزار و ٩٦٤ کەس و ژمارەی بریندارەکانیش گەشتە ١٦٥ هەزار و ٣١٢ کەس.
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٣ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٤٢٨ کەس کە ١٤٦یان منداڵن.
لە ئەنجامی رووداوێکی هاتوچۆی توند لە پارێزگای کرماشانی ڕۆژهەڵات ٤ کەس گیانیان لەدەستدا.
