13 oC 
Güneşli
لیوا یەحیا سەریع، وتەبێژی هێزە چەکدارەکانی یەمەن ڕایگەیاند کە هێزە چەکدارەکانی وڵاتەکەی، ئۆپڕاسیۆنی فڕۆکەی بێفڕۆکەوان و مووشەکییان دژی رژێمی سەهیۆنی ئەنجام داوە.
بەگوێرەی ڕاپۆرتی ناوەندی ڕاگەیاندنی فەلەستین، لیوا سەریع وتەبێژی هێزە چەکدارەکانی یەمەن وتی کە یەکەی مووشەکیی وڵاتەکەی بە مووشەکی بالیستیکی فەلەستین ٢ ئامانجێکی لە یافا (تەلئەبیب) پێکاوە و یەکەی فڕۆکەی بێفڕۆکەوانیش لە دوو ئۆپڕاسیۆندا، ئامانجەکانی لە ئوم ئەلڕەشڕاش (ئیلات) و بیئر ئەلسەبع بە ٣ فڕۆکەی بێفڕۆکەوان پێکاوە.
سەریع وتی، "ئەم ئۆپڕاسیۆنانە بە سەرکەوتوویی بە ئامانجەکانیان گەیشتن و بوونە هۆی هەڵهاتنی ملیۆنان سەهیۆنی بۆ پەناگەکان و داخستنی ئاسمانی فەلەستینی داگیرکراو."
لیوا یەحیا سەریع زیادی کرد، "ناوچەی 'ئوم ئەلڕەشڕاش' بە خواستی خوای گەورە، هەر لە بازنەی ئامانجی هێرشە سەربازییەکانماندا دەمێنێتەوە."
هەروەها وتی، "پێشهاتەکانی ئەم دواییە نیشانیان دا کە دوژمنی ئیسرائیلی مەترسییەکە کە هەڕەشە لە گەلان و وڵاتانی ناوچەکە دەکات و مەترسییەکەی تەنها بە جوگرافیای فەلەستینی داگیرکراوەوە سنووردار نییە."
سەریع زیادی کرد، "یەمەنی ئازاد و سەربەخۆ بە یارمەتیی خودا بەردەوام دەبێت لە پەرەپێدانی توانستە سەربازییەکانی بۆ بەهێزکردنی پێگەی خۆی لەم شەڕەدا."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەندەری ڕاڤێنا لە ئیتالیا، لەسەر داوای دەسەڵاتدارانی ناوخۆیی و بەپێی بەیاننامەیەکی دەرچوو لەلایەن شارەوانیی شارەکەوە، ڕەتی کردەوە دوو بار تەقەمەنی بۆ ناردن بۆ خاکە داگیرکراوەکان بار بکات.
ئەمریکا پڕۆژەبڕیاری ئەنجومەنی ئاسایشی نەتەوە یەکگرتووەکان لەبارەی دۆخی غەززەی جارێکی دیکە ڤێتۆ کرد.
باسم نەعیم یەکێک لە ڕابەرانی بزووتنەوەی خۆڕاگری ئیسلامی حەماس ڕاگەیاند کە رژێمی داگیرکەر بەوەی کە گوایە دانوستانەکان دووبارە دەستیان پێکردووە هەموو کەس فریو دەدات و ئامانجەکەی شارندەوەی تاوانەکان و پلانەکانییە.
