سوپای داگیرکەر ئەمڕۆ دوای چەند مانگێک لە مامەڵەی خراپ، ٩ بەندکراوی فەلەستینی لە کەرتی غەززە ئازاد کرد.

سەرچاوە پزیشکییەکان بڵاویانکردەوە، دوای ئازادکردنیان، ئەو ٩ ئەسیرە ئازادکراوانە گواستراونەتەوە بۆ "نەخۆشخانەی شەهیدانی ئەقسا" لە دەڤەری ناوەڕاست، لەوێ پشکنینی پزیشکییان بۆ کراوە.

ئەسیرەکان لە دەروازەی کیسۆفیمەوە کە دەکەوێتە باشووری ڕۆژهەڵاتی ناوچەی ناوەڕاست ئازاد کران.

ئۆتۆمبێلەکانی سەر بە کۆمیتەی نێودەوڵەتیی خاچی سوور بەزۆری ئەو ئەسیرانە هەڵدەگرن کە لەلایەن رژێمی داگیرکەرەوە ئازادکراون و دەیانگوازنەوە بۆ نەخۆشخانەکانی غەززە.

رژێمی داگیرکەر جارجارە بەشێک لەو فەلەستینیانەی کە لە ماوەی نزیکەی دوو ساڵەی شەڕی جینۆساید دژی غەززە دەستبەسەر کردووە، ئازاد دەکات.

لە بەیاننامەکانی پێشوودا یانەی ئەسیرانی فەلەستین "ئەسیرەکان لە سەختترین و ترسناکترین بارودۆخدا ڕاگیراون، بە ئامانجی ئەوەی گەورەترین زیانیان پێ بگەیەنن."

رژێمی داگیرکەری سەهیۆنی لە ٧ی ئۆکتۆبەری ٢٠٢٣یەوە بە پشتگری ئەمریکا و ئەوروپا بەردەوامە لە کۆمەڵکوژی لە غەززە و لە ئەنجامی هێرشەکاندا نزیکەی ٢٥٠ هەزار کەس شەهید و بریندار بوونەتە.(İLKHA)