حزام ئەسەد ئەندامی ئۆفیسی سیاسی انصارالله هەڕەشەکانی کاتز بەناو وەزیری بەرگری رژێمی داگیرکەری ڕەتکردەوە و ڕاگەیاند کە پشتیوان بە بەرخۆدانی غەززە بەردەوام دەبێت و سوپرایزەکانی نوێ ئامادە کراون.

حزام ئەسەد ئەندامی ئۆفیسی سیاسی انصارالله ڕاگەیەندراوەکانی ئیسرائیل کاتز بەناو وەزیری بەرگری رژێمی داگیرکەری وەک "ڕەنگدانەوەی ڕۆحی شکەستخواردوو" وەسف کرد.

ناوبراو هەڕەشەی بەرزکردنی پارچە پەرووی سەهیۆنی لە سەنعای وەک هەڕەشەیەکی "گاڵتەجاڕانە" وەسف کرد و سەنعا لەمجۆرە هەڕەشەیانە دوورە.

ئەسەد جەختی لەوە کرد کە هەڵوێستی انصارالله نەگۆڕاوە و تا کاتی کۆتایی هاتنی شەڕی جینۆساید بەردەوام دەبێت. هەروەها ڕاگەیاند کە چەکەکانی نوێ ئامادەکراون و ئۆپڕاسیۆنە سوپرایزەکانی نوێ لە دژی سوپای داگیرکەر ئامادە کراوە.

ئەسەد ئاماژەی بەوە کرد کە ئۆپڕاسیۆنەکان لە دژی رژێمی داگیرکەر زیادبوونەتە و ئۆپڕاسیۆنەکەی سەر ئوم ئەلڕەشڕاش وەک نموونە هێنایەوە.

کاتز بەناو وەزیری بەرگری رژێمی داگیرکەر لە تۆڕی کۆمەڵایەتی ئێکس هەڕەشەی لە انصارالله کردبوو و هەڕەشەی بەرزکردنی پارچە پەرووی رژێمی داگیرکەر کە گوایە ئاڵایە لە سەنعای کردبوو.

هەروەها هەڕەشەی کردبوو کە ئەگەر انصارالله بەردەوام بێت لە هێرشەکانی دژی رژێمی داگیرکەر "سەرئەنجامێک وەک هی ئێران چاوەڕوانی دەبێت.(İLKHA)