13 oC 
Güneşli
رژێمی داگیرکەری سەهیۆنی بڕیاری دایەوە، ئیتر هێرشە جینۆسایدکارەکانی بۆ سەر غەززە لە ژێر ناوی "شەڕی زیندووبوونەوە" ئەنجام بدات.
ئیال زەمیر بەناو سەرۆکی ئەرکانی گشتی سوپای داگیرکەری سەهیۆنی لە فەرمانێک کە بۆ فەرماندە باڵاکانی سوپای داگیرکەر ناردووە ڕاگەیاند کە چالاکییە سەربازییەکان دەبێت ئیتر لە ژێر ناوی "شەڕی زیندووبوونەوە" ئەنجام بدرێن.
بڕیارەکە هەموو چالاکییە سەربازییەکان دەگرێتەوە، لەوانەش مەراسیمەکان، بەڵگەنامە فەرمییەکان، نامەنووسین و وتارەکان.
ئەم هەنگاوە دوای بڕیارەکەی حکومەت دێت بۆ گۆڕینی ناوی هێرشەکانی بۆ سەر غەززە. رژێم بە فەرمی ناوی هێرشەکەی گۆڕی کە پێشتر بە "ئۆپەراسیۆنی شمشێری ئاسن" ناسرابوو، بە "شەڕی زیندووکردنەوەی ئۆپەراسیۆن".
ئەم بڕیارە بە زۆرینەی دەنگی ناو بەناو حکومەت پەسەند کرا و وەزیرێک لە پارتی ڕاستڕەوی توندڕەوی "سەهیۆنیزمی ئایینی" دژی ئەو بڕیارە بوو. وەزیری کاروباری ڕەوەند لە حکومەتی لیکود خۆی لە دەنگدان بەدوور گرت.
بنیامین نەتانیاهۆ، بەناو سەرۆک وەزیرانی جینۆسایدکار لە وتارەکەیدا پێش دەنگدانەکە، لە پێشکەشکردنی بڕیارنامەکە بۆ خودی حکومەت، لە وتارەکەیدا ڕایگەیاند، "ئەمڕۆ ناوێکی هەمیشەیی و فەرمی بۆ شەڕەکە دەخەمە بەردەم ڕەزامەندی حکومەت، ئەویش شەڕی زیندووبوونەوە. دوای زیاتر لە دوو ساڵ لە هێرشکردن".
ئەم گۆڕینی ناوە وەک تاکتیکێکی پڕوپاگەندەیی نوێ سەیر دەکرێت کە ئامانج لێی پەردەپۆشکردنی هێرش و سیاسەتە داگیرکارییە بەردەوامەکانە لە غەززە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە کەمپی ئاوارەکانی ئەلشاتی، لە ڕۆژئاوای شاری غەززە، ڕێوڕەسمێکی قورئانی بە بەشداریی نزیکەی ٥٠٠ حافیزی قورئانی کەریم بەڕێوەچوو. رووداوێک کە سەرەڕای ٢ ساڵ جەنگ و وێرانکاری، دیمەنێک لە خۆشی، هیوا و خۆڕاگریی بۆ شەقامەکانی کەمپەکە گەڕاندەوە.
وەزارەتی کشتوکاڵی فەلەستین ڕایگەیاند هێزە داگیرکەرەکانی سەهیۆنی و جووە هاوردەکان لە ماوەی هەفتەی ڕابردوودا زیاتر لە ٨ هەزار دار، کە بەتایبەتی داری زەیتوون بوون، لە ناوچە جیاوازەکانی کەناری ڕۆژئاوای داگیرکراو هەڵکەندووە و لەناویان بردووە.
وەقفی خێرخوازی یەتیمەکان بە بۆنەی شەوی ڕەغائیب لە کەناری غەززە هاوکاری خواردن دابەش کرد کە ڕووبەڕووی هێرشەکانی رژێمی داگیرکەر بووە.
بانکی ناوەندیی سووریا خستنەبازاڕی پارەیەکی نوێی سووریای ڕاگەیاند.
