بانکی ناوەندیی سووریا خستنەبازاڕی پارەیەکی نوێی سووریای ڕاگەیاند.

حەسریە پارێزگاری بانکی ناوەندی سوریا، فەرمانی ژمارە ٢٩٣ی ساڵی ٢٠٢٥ی سەبارەت بە هێنانەکایەی دراوی نوێی دەرکرد. بەپێی ئەم فەرمانە، پرۆسەی گۆڕینی دراو لە ١ی ١ی ٢٠٢٦ دەست پێدەکات.

حەسریە ئاماژەی بەوەشکرد، دراوی نوێ هەنگاوێکی گرنگی نیشتمانییە کە دەستپێکی سەردەمێکی نوێی ئابووری و دراوییە، ئاماژەی بەوەشکرد، دراوی نوێی سووریا نوێنەرایەتی هێمای سەروەری داراییمان دەکات لە دوای ئازادی و دەستپێکی قۆناغێکی نوێیە کە بە هاوکاری هەموو لایەک لەژێر بەڕێوەبردنی بانکی ناوەندی سووریادا بنیات نراوە.

حەسریە وتی، "ئەمە دەستکەوتێکی نیشتمانی دەبێت هەروەها هەنگاوێکی بەهێزە بەرەو سەقامگیری و بوژانەوەی ئابووری."

حەسریە ڕایگەیاندووە، وردەکارییەکان سەبارەت بە دراوی نوێ لە ٢٨ی کانوونی دووەمدا بڵاودەکرێتەوە.(İLKHA)