Berdevkê Hêzên Çekdar ên Yemenê Serî ragihand ku wan bi fuzeya balîstîk a hîpersonîk li Heyfaya îşxalkirî û bi dronê jî li Yafayê operasyon pêk anîn.

Hêzên Çekdar ên Yemenê du operesyonên leşkerî yên cuda yên "kalîte" li dijî rejîma îşxalker a sîyonîst kirin hedef.

Berdevkê Artêşê Orgeneral Yahya Serî bi daxuyaniyekê ragihand ku hedefeke jiyanî ya li Hayfayê bi fuzeya balîstîk a hîpersonîk hatiye xistin.

Serî da zanîn ku mûşek bi awayekî serketî gihişte armanca xwe û sîstemên berevaniya asmanî yên rejîmê nekarîn mûşekê rawestînin.

Serî diyar kir ku piştî êrîşê di nav sîyonîstên îşxalker de panîkek mezin derket û wiha got, "Zêdeyî 2 milyon sîyonîst ber bi sitargehan ve bazdan."

Di heman daxuyaniyê de hat parvekirin ku li Yafayê jî balafireke bêmirov a bi navê "Yaffa" li hedefeke din a girîng hatiye xistin.

Berdevk Serî di dawiya daxuyaniya xwe de ev îfade bi kar anî:

"Em ê li cem gelê Filistînê yê bindest bisekinin û heta ku êrîşên li ser Xezzeyê bi dawî bibin û dorpêç bê rakirin em ê operasyonên xwe bidomînin."

Tevgera Ensarullaha Yemenê bersiva êrişên sîyonîstên îşxalker ên dijî gelê Filistînê didomîne. (ÎLKHA)